【劉小慧直播】何婉盈為亡犬飛美國讀動物傳心 「大部分狗狗對死亡好豁達」

劉小慧昨晚開直播搞「那些年的約會」，邀請到好友何婉盈做嘉賓，兩人的關係除了曾經同為90年代歌手之外，原來是小學同學，相當有緣份。她們直言兩人在名校小學成長並不開心，因為太大壓力，成績不太好就被老師遺棄，反而齊齊升中學之後就變得愉快得多。小慧透露兩年前曾經為愛駒「駿王」向何婉盈求教動物傳心，可惜對方未有回覆電郵。原來何婉盈早年曾赴美學動物傳心，她表示：「2002年我養的金毛尋回犬唔喺度，唔開心，有朋友同我講想同狗狗傾偈，咁我就去美國了解吓，讀幾個月動物傳心課程。」

{{hket:inline-image name="ggg.jpeg"}}{{/hket:inline-image}}

（影片截圖）

{{hket:inline-image name="jjjj.jpeg"}}{{/hket:inline-image}}

（影片截圖）

相關新聞：【劉小慧直播】54歲黃寶欣離婚後獨力照顧仔女 送19歲女赴美讀書：好傷感

提到動物傳心的經驗，何婉盈表示：「我係有緣份先會有講兩句，而且因為我都係養狗，所做狗傳心比較多，大部分都係因為有啲狗狗就嚟唔得，希望透過溝通去解決大家心結。」小慧同樣是愛動物的人，家中有兩狗兩貓，她直言明白到小動物去到最後的階段時，主人好想知道應該留住動物條命，定讓牠安樂地離開，何婉盈續言：「曾經有一次同隻貓講，隻貓已經22歲，病痛又走極都走唔到，我話畀主人知，隻貓十幾歲前係由主人家姐養，佢好想同原本主人講再見，由於主人家姐長駐上海，所以打電話開聲同佢講再見，講完之後十分鐘，隻貓就離世。所以我通常接觸嘅都係垂死嘅情況，傾完好快就走。」

相關新聞：【人生交叉點】何婉盈後悔避孕唔足做單親媽媽 歷1.5次婚姻失敗囡囡快樂行先

{{hket:inline-image name="jjj.jpeg"}}{{/hket:inline-image}}

（網上圖片）

何婉盈做動物傳心已經有17年之久，她溫馨提示寵物主人應該多了解自己的狗狗或貓貓，特別是面對死亡和陪伴的角度，有些事項要注意。

1. 死亡想法

- 每隻寵物最後都好想返屋企先走，唔想在醫院或者其他地方離開，因為動物智商唔高，由細到大都係屋企長大，就希望留喺熟悉嘅地方。
- 大部分動物對死都好豁達，有時候唔走都係因為主人唔捨得，主人肯放手，佢哋一定會走，因為個臭皮囊去到最後已經好辛苦，貓狗唔同人，最多只可以吊鹽水，真係好慘。

2. 為貓咪添新成員

- 要視乎你隻貓歲數，如果已經係10幾歲老貓，就唔好打擾佢生活，老人家唔想被打擾，如果係兩隻貓相依為命，其中一隻走咗，佢都只會想平平靜靜，唔需要另一隻替代去陪佢
- 8歲以下貓咪就冇問題，如果真係要養多隻貓，就要提早開始同佢講，提早三個星期，每一日都同佢講，咁樣會好啲，否則新成員到，貓咪一定同你作對。