容祖兒的《Pretty Crazy紅館演唱會》進行得如火如荼，不少歌迷就話特別喜愛嘉賓農夫，事關C君識自嘲 : 「你朋友問你嗰晚邊個嘉賓 ，人哋話張學友，你話農夫，幾難聽，2個垃圾...」大家都讚C君控場力滿分：「佢哋啲節目都好好笑」、「強烈要求農夫開talk rap show」、「C君演繹得好黃子華style」等，連容祖兒都發文大讚：「笑到我差點失聲，抵我咁愛你哋，請嘉賓請著呢類真的三生有幸，他們忙到甩轆，但準備充足」兼任歌手、演員、主持、填詞人的C君終獲得認同，但風光背後原來曾經歷過不一樣的人生...
(YouTube截圖)
患地貧重病終身輸血續命 生母前度先後拋棄
C君（原名：鄭詩君）5歲時父母就離異，由於父母基因遺傳，C君出世起已患重型地中海貧血症，終生要定期到醫院輸血續命。惟媽媽沒理會C君病情，組織另一個家庭，母子再無聯絡；而爸爸長期在大陸工作，沒有照顧他，其後更患胃癌過身，C君自小與嫲嫲相依為命。14歲時，C君曾在醫院邊輸血，邊接受訪問：「平時要嚟配血，唔配血你冇血輸，放學時走去配血，人哋放學時去打波，我要去配血，幾煩，不過唔係幾辛苦，唔返嚟輸血會死，梗係返嚟輸血啦！」
(YouTube截圖)
長大後，當年29歲的C君向拍拖6年的女朋友求婚，花10幾萬買求婚戒指、訂酒席，但有傳Gloria擔心將來小孩會遺傳重病，結果悔婚，搭上C君的好朋友。此事令被拋棄的C君陷入人生低潮，並於網上發文，字裡行間看得出前女友的背叛對他非常痛苦。
(C君微博)
12月行禮準備生B做爸爸 難忘拍拖浪漫時刻
C君努力求存，終感動上天，向拍拖4年的電台DJ黃天頤求婚成功，將於今年12月13日結婚，準備到日本拍結婚相。C君日前向傳媒表示會依足傳統擺10多圍酒，由於親戚多，不會請太多圈中朋友，但會請Do姐鄭裕玲、麥玲玲。陸永、黃翠如表示已一早承諾做兄弟。
至於造人計劃，對患病的C君來說絕非易事，事關地貧可能遺傳下一代，所以他早已做好身體檢查：「有4分1機會下一代都會有呢個病，但係我好夠薑生，我細細個病到依家，照顧佢咪最適合不過。我會同佢講，你睇吓爸爸都搞得掂自己啦！」而黃天頤更加從無嫌棄，對做人母表示順其自然：「我識C君就知佢身體狀況，好好處理小朋友都可以快樂長大。」黃天頤又憶起C君深情一面，最記得C君曾寫情書日記，再拿去釘裝，送給她做生日禮物，相當浪漫。所以比起小朋友，她反而擔心C君會早死，望對方愛護身體，遲死過自己。C君找到真正珍惜他的伴侶，實在可喜可賀！
(黃天頤instagram)
(黃天頤instagram)
(黃天頤instagram)
(黃天頤instagram)
{{hket:inline-image name="18.jpg"}}{{/hket:inline-image}}
(黃天頤instagram)