《愛回家》重要角色突然消失 話嬲爆離家出走 真正原因是...

《愛 ‧ 回家之開心速遞》的「食屎陳師奶」（孫慧蓮）是個有夫之婦，又常常與根叔（劉丹飾演）非常曖昧，關係糾纏不清，角色很受觀眾歡迎，但大家有否發現陳師奶已多集沒有出鏡？近日播出的「舞...林群英會」講述陳生（黃志榮飾）的舊同學見到他跟陳師奶的合照後，問相中人是否他媽媽，為了保全面子，陳生竟然沒有否認，陳師奶在背後聽到就嬲到離家出走。

不少人都擔心陳師奶就此被踢出劇組，不過她消失的真正原因其實是放假去美國探女兒及孫兒，如今已經回港，並即將回歸劇組。被網民封為「愛回家女神」第4名的陳師奶，真實背景並不簡單，還是一位單親慈母，早前《晴報》邀請她做了個專訪。

{{hket:inline-image name="14.jpg"}}{{/hket:inline-image}}

(TVB電視截圖)

離婚後獨力賺錢養家 頭髮斑白才放心追演藝夢

孫慧蓮真人友善慈祥，早上會為鄰居拿報紙，互相照顧，跟鄰居關係比劇中好。她育有3個女兒，與前夫分開後就母兼父職，做3份工養起成頭家，包括在舊區小學做訓導主任、替人補習、教人編織與烹飪，賺錢供女兒到外國讀書，「我以前職業係教書，學生們都叫我孫主任。」孫慧蓮說。後來大女覺得英國生活好沉悶，考獎學金到美國留學；二女就從英國考回香港大學讀書，在家照顧孫慧蓮；至於細女都去美國定居，由大女照顧。如今2個女兒已成家立室，孫慧蓮都話好欣慰。

見到女兒可以照顧自己，孫慧蓮終放心追尋演藝夢。去到1996年，未退休的孫慧蓮在香港電台做兼職，見到藝員招聘通告就膽粗粗見工，雖然冇受演藝訓練，不過曾成功考到護士的她自言不會認輸。去到面試場地，除了孫慧蓮之外，其他都是星爸、星媽、星二代，令她老人家甚有壓力。不過既然一場來到，孫慧蓮都想試試，恰巧面試內容叫她扮演老師，她就重演當年做訓導老師教人的模樣：「做藝人係我自小嘅夢想...我嗰陣當咗啲面試官係學生，同佢哋講人生在世對讀書冇興趣冇所謂，做人最重要係品格，就算掃街、送外賣都係正職，結果我就面試成功，入咗行。」

▼網民曾經在港鐵碰見乘車仍在努力讀劇本的孫慧蓮，可見她做事認真

{{hket:inline-image name="13.jpg"}}{{/hket:inline-image}}

(網上圖片)

不介意食屎陳師奶之名 慈母最掛住3個女兒

入行23年，孫慧蓮靠食屎陳師奶彈起。不過《愛回家》第384集已解釋食屎的人其實是熊樹仁（單立文飾）而非陳師奶。孫慧蓮就好大方話不介意：「戲入面最多對手戲係熊家，佢哋好好人、對我好好，大家都好融洽。拍劇我哋都係互相用角色名稱呼大家，所以佢哋都不停叫我『食屎陳師奶』，街坊見到我都係一樣。但沒所謂，只係演戲角色需要，我本身唔係食屎就得啦！依家參與《愛回家》演出令我好開心，好多集數我都有份參與，導演好體貼，有時會分2日拍，唔太辛苦。我會專心去做一位演員，好投入去做。」

{{hket:inline-image name="11.jpg"}}{{/hket:inline-image}}

(TVB電視截圖)

{{hket:inline-image name="12.jpg"}}{{/hket:inline-image}}

(TVB電視截圖)

相比起角色稱號，孫慧蓮更在意2個長居美國的女兒，每年都會抽時間到當地共聚天倫：「佢哋依家都好大個，生活得好好，屋又好大，不過梗係掛住佢哋，始終養兒一百歲，長憂九十九。我2個女都喺美國，我會去探佢哋，呢度住2個禮拜，嗰度住2個禮拜，我唔想住成個月會好掛住佢哋，同埋唔想煩到佢哋，連被都會帶埋過去，唔使佢哋特登為我洗。」孫慧蓮時時刻刻念掛著女兒，處處為她們設想，真是個好媽媽。

{{hket:inline-image name="15.jpg"}}{{/hket:inline-image}}

(受訪者提供)