「漸凍人症」原稱運動神經細胞基因變異（MND），身體會無故變得乏力，逐漸喪失自理能力，最後甚至會終生癱瘓。曾經是無綫綠葉的吳博君去年突然遇上這個陌生又可怕的病變，人生頓時一下子崩塌下來。「漸凍人症」在醫學上是不治之症，患者情況只會一路一路變差，不過博君沒有打算放棄，反而在太太的陪伴、朋友的支持下，他每日積極面對，瘦弱的身軀依靠強大的心靈去抵抗病情變壞。
一click即睇：
吳博君不幸患上漸凍人症，生活大受影響。（《晴報》圖片）
吳博君的太太最愛小飛俠，所以滿屋都是小飛俠的產品。（《晴報》圖片）
熱愛演戲 18年演員生涯最終被裁員
吳博君於1978年從無綫藝員訓練班畢業，隨後順利入行，在多個劇集演出，大多數演的都是街坊、士卒等小角色，但他的臉孔對電視觀眾而言，定必非常熟悉。吳博君說：「一直演戲差不多18年，咩角色都會演，無所謂，做唔做到主角好講求運氣同際遇，我自己有一句名言經常勉勵自己，『角色無大小，演員有上下』，每個角色用心演就可以。我同期的藝員都有好多，湯鎮業、廖啟智、陳敏兒、魯振順、李成昌、艾威等等。」後來由於1997年金融風暴，經濟衰退，無綫決定大規模裁員節流，不幸的吳博君是其中一員，吳博君說：「當時當然會唔開心，呢份工作咁多年，自己做得不錯，而且好喜歡，但都要接受呢個現實。後來我去做麵包師傅，又做過紙紮店同運輸，就算我做運輸時被人認出，我都冇咩所謂，大家更加開心。」
吳博君雖然往往演的是小角色，但卻在電視迷心中留下深刻印象。(圖片：網上截圖)
在無綫電視拍過為數不少的劇集。(圖片：網上截圖)
廖啟智和陳敏兒都是吳博君同期的演員朋友。（圖片：受訪者提供）
艾威不時會探望吳博君，並為他介紹中醫。（圖片：受訪者提供）
朋友資助醫藥費 體會人間有愛
去年吳博君不幸患上漸凍人症，疾病在亳無預警下來襲，令吳博君心情大受打擊，他說：「由正常人突然病發，當初係好難以接受，慢慢手指、雙手和腳都逐漸開始冇力，好多醫生形容呢個病比癌症更麻煩，病發最後好可能完全癱瘓，就好似霍金先生一樣。自己單係想像，就已經覺得好可怕，但怕係冇用，始終都要面對。」吳博君直言西醫沒有藥物能夠減慢惡化的情況，他則定期接受中醫治療，不過醫藥費高昂，他跟太太直認經濟有一定的壓力，他說：「每個月嘅醫藥費同交通費加起來差不多9千多，接近1萬元，所以經濟都有壓力。」幸好，吳博君在圈中認識很多好友，發病後從不少朋友、前僱主和機構得到援助，他說：「幫忙我嘅人實在太多，好似『藝進同學會』嘅師兄弟姊妹，佢哋各自都捐錢幫我，演藝人協會都有幫我。我之前去做清潔嘅公司老闆，雖然我離開咗工作崗位，但佢答應我兩年內，每個月都會資助我醫藥費5千元，無條件，令我好感動。意想不到世界上會有咁好嘅人，我真係很幸運，世間上原來有咁美好嘅人。」
吳博君感激藝進同學會的朋友們出錢又出力幫忙。（圖片：受訪者提供）
吳太太積極心態 望發放正能量
病榻上失去自理的能力，吳博君全靠太太照顧，每日要飲的中藥、特別的三餐餐單，都是太太一手包辦。吳博君跟太太同樣是足球迷，因欣賞球賽而認識，婚後齊齊飛到德國捧愛隊的賽事，成為他們美好的回憶之一，吳博君說：「太太真係好重要，我實在唔可以失去佢，生活上好多細節都要佢幫忙，坦白講，有她在太好，冇咗佢，我都唔知點算。上天的安排好奇妙，有個咁好嘅太太支持我，晚年能有如此嘅禮物，好難得、好感恩。我知道佢好辛苦，有時我想幫忙但都幫唔到，我惟有同佢講聲，好感激你！」他同太太沒有顧慮太多未來的事，但求生活中安穩地擁抱幸福就足夠，他說：「我希望我們能夠繼續過開開心心的日子，做簡單的事情就已經滿足，如她喜歡睇波，我們一起欣賞賽事，已經滿足了，看似很簡單，其實已是一種幸福。」
吳博君生活上的起居飲食都是靠太太協助。（《晴報》圖片）
兩人一齊睇波，簡單的相處已經感到無比的幸福（《晴報》圖片）
吳博君認為雖然情況艱難，但他沒想過要死。（《晴報》圖片）
吳博君盡量每日做簡單的運動和肌肉訓練，希望拖延病情的惡化。（圖片：受訪者提供）
社會近日紛擾不安，吳博君明白大家都會傷心失落，但連沒法治療的病都可以積極面對的時候，他希望大家都跟他一樣愛惜生命。他說：「現今社會有好多事令大家灰心失意，希望大家唔好放棄自己。無論咩情況之下，唔好放棄自己，珍惜自己生命。雖然依家係艱難時期，但唔好放棄。」身旁的吳太不時為吳博君抹嘴、遞上中藥，又著緊整理丈夫的衣領，吳太的細心和溫柔，彷彿成為吳博君努力抗病的最大支持，吳太說：「我不覺得辛苦，我最辛苦係佢有時會唉聲嘆氣，開心嘅事係佢可以陪我一齊睇波，近排社會動盪，佢又陪我一齊鬧，我已經好開心。兩公婆面對唔開心嘅事，但我哋想將能量，負負得正，將正能量發放出去，畀MND病友或所有朋友知道，辦法總比問題多，呢個係我成日講嘅口頭禪，每人發放一丁點正能量，社會就自然會變好。」
吳太太不認為照顧老公辛苦，反而不希望丈夫灰心失意，希望兩人一齊積極面對。(《晴報》圖片)
吳博君和太太都是球迷，有共同的話題。（圖片：受訪者提供）
病發前，兩公婆一齊飛到德國睇波。（圖片：受訪者提供）
對兩夫妻而言，今趟旅行絕對是畢生難忘。（圖片：受訪者提供）