《愛回家之開心速遞》入面金城安（周嘉洛飾）的大學女朋友Bonnie（林凱恩飾），經常受父母譚道德（陳榮峻飾）和譚何容儀（吳香倫飾）限制，令她成為一個又乖又聽話嘅純純兔。現實生活中，林凱恩的個性非常活潑可愛，經常笑臉迎人，就算兩個劇集疊住開工，她都亳無怨言，反而將等待的空檔時間，用來開直播跟鍾意佢嘅粉絲互動。未知是角色的表現，還是私下的真個性所影響，不少Bonnie的粉絲都讚她是「GFable」的女生，也即是好適合做女朋友。
譚道德一家真係經常發放好多歡樂。(圖片：林凱恩IG）
劇中是一對小情人，唔知嘉洛會否跟網民一樣覺得凱恩GFable呢？(圖片：林凱恩IG）
「安Bon戀」大受電視觀眾歡迎。（網上圖片）
8月17日就是林凱恩的27歲生日，剛剛的周末，她的粉絲特別為她舉行生日聚會提早慶祝，見她上載的照片所見，凱恩特別帶埋媽媽同行，又同大家一齊玩遊戲、切蛋糕等等，非常熱鬧，不過大合照入面，見到男多女少，莫非「GFable」的她特別吸引男粉絲喜歡？ 凱恩事後上載照片，都有留言多謝大家：「恩恩小朋友想說的是，你們的每一句每一份心意我都很珍惜，渺小的我會更努力去鞭策自己，也感激我的青春裡能有你們。」
凱恩的生日願望希望工作上可以帶給人歡樂。(圖片：林凱恩IG）
凱恩的粉絲聚會有別於其他人，男多女少。(圖片：林凱恩IG）
凱恩近日接受《晴報》電話訪問，她表示：「其實今年已經第三次搞生日會，主要係想同粉絲可以玩多啲遊戲同互動，始終佢哋好錫我，對我好好，一直以來都畀好多正能量我，最重要玩得開心，近排自己好少喺電視出現，又唔多公開活動，希望藉住生日會可以同佢哋傾多啲偈，親自多謝佢哋嘅支持。」她表示生日正日可能要在工作中度過，至於生日願望，凱恩說：「我願望係希望自己可以繼續努力，唔好改變自己，以自己最真實嘅一面，帶多啲歡笑同溫暖畀人。」
凱恩係孝順女，經常同媽媽形影不離。(圖片：林凱恩IG）
其實林凱恩在角色入面是一個乖乖女，但現實生活中絕對是傻大姐一名，她不時在直播中自言自語傻笑，又亂答粉絲的留言，展現直率的一面，不少粉絲都會留言讚她可愛，不過有次直播凱恩狠狠地趕一位網友出去，到底係邊個？其實係凱恩嘅哥哥，佢哥哥喺直播亂入留言搞笑，搞到凱恩說：「你又嚟？多謝晒你，你同我出去，唔該！」唔少粉絲見到咁樣嘅互動，都感受到凱恩同哥哥關係非常之好，凱恩說：「我同阿哥都係無聊人，因為一齊成長有太多回憶，細個一齊睇《古惑仔》、《寵物小精靈》同好多周星馳戲，好多嘢可以同步到，好快就知大家想講咩，人大咗，可能溝通冇咁多，不過感情依然都係好好，佢始終係我阿哥。」凱恩係單親家庭成長，媽媽獨自照顧佢同哥哥，所以一家三口感情特別好，難怪出席粉絲聚會，粉絲都會愛屋及烏，照顧埋林媽媽一份啦，認真乖！
林凱恩同哥哥感情要好，一家三口非常幸福。(圖片：林凱恩IG）