唔係人人一出世就天生麗質，不過好多女人相信一白遮三醜，所以由中國戰國時代開始，女人已經識化妝去博得異性好感。就算嫁咗畀人都唔可以鬆懈，因為要同其他女人共侍一個老公，要保持花容月貌先可以突圍而出。直至現代，女藝人都係好依賴化妝，除咗工作需要，靠濃妝放大表情之外，平時出門都要化，因為喺歲月磨滅下難免會有衰老的徵狀，為免被記者偷影到，佢哋都紛紛化妝遮蓋臉上皺紋同瑕疵。結果女藝人嘅臉上總係化上完美妝容，保持最佳一面示人，佢哋嘅素顏就變得好神秘。
不過為咗拉近粉絲同自己嘅距離，唔少女藝人主動大晒素顏，以天生好膚質、濃眉大眼暗示自己真係美人胚子。以下有唔少TVB女藝人就將一層層嘅化妝品卸走，敢於公開裸肌，當中不乏《包青天再起風雲》全劇女演員。
陳凱琳
陳凱琳同樣係靚媽媽，生完好似仲靚過之前咁，搞到網民都忍唔住問係咪真係有生過！大家或者覺得佢本身輪廓深，加上生完肥番少少有福氣，所以靚咁多，不過陳凱琳講過，其實要多得老公鄭嘉穎愈來愈識影相呀！幸福到呢~
胡定欣
基於佢紋咗眉嘅關係，所以冇一張係真正素顏，不過胡定欣冇化妝都係幾靚嘅，反而上咗妝仲覺得太濃添。
姚子羚
姚子羚對眼比較細，所以唔化妝就好明顯睇到個分別！
小寶
講真小寶唔化妝幾靚女！本身對眼好大、皮膚又好，正過唔少花旦啊。
傅嘉莉
佢擁有德國血統，初出道已經被網民話同李嘉誠老婆徐子淇相似，被媒體稱爲「翻版徐子淇」，你又覺得佢素顏點呢？
楊玉梅
54歲嘅楊玉梅以模特兒身份出道，曾得到1990年亞洲小姐最上鏡小姐、完美體態獎同季軍，所以唔化妝（應該有紋眼眉同眼線）都好靚！
湯洛雯
叫得做靚湯，梗係靚啦。前排仲被傳媒大讚成個湯氏家族都遺傳咗優良基因，個個靚仔靚女！
陳自瑤
陳自瑤個樣一向冇變過，素顏下只係覺得佢有啲疲態，但上妝後完全同廿年前一樣樣。
張秀文
張秀文冇化妝個樣又幾純品，睇嚟佢平時出鏡可以就咁上唇膏都得！
譚凱琪
譚凱琪本身個樣好細個，唔化妝仲似學生妹，但其實佢37歲喇。
楊詩敏（蝦頭）
蝦頭上妝仲好青春，似30幾歲，不過素顏就是睇得出係43歲了。
龔嘉欣
龔嘉欣係靚女一名，只係臉無血色，睇落好虛弱。
李美慧
李美慧化妝有啲惡，唔化妝反而勁純！
黃智雯
Mandy真係好靚！就算素顏都係靚，完全睇唔出佢真實年齡已經36歲呀。不過佢2007年參加過香港小姐競選，仲入圍最後五強，唔靚就假喇。
陳婉婷
成日見陳婉婷扮宮女、妹仔，估唔到佢妝前妝後個樣直頭好似兩個人咁。
楊怡
以前已經有好多人讚楊怡靚女，去到依家雖然淡出幕前，但佢素顏都仲好正，同相差5年嘅老公羅仲謙好襯。
王君馨
之前王君馨好勇敢地將素顏放喺instagram同大家分享，雖然網民笑佢面色太暗沉，又話黑眼圈太大，不過王君馨唔介意，佢只係想話畀大家聽女人要有自信美。
范文雅
估唔到范文雅一張素顏相都冇，張張都係化咗妝，只係搵到佢淡妝嘅相，收得好埋。
李施嬅
同好姊妹胡定欣一樣，施嬅冇化妝同化咗妝冇乜分別，其實不如話唔係好分得出。
胡杏兒
杏兒條眉本身好濃，唔使紋或者畫，大致上冇咩分別。
(各大藝人instagram,TVB電視截圖)