《愛回家之開心速遞》劇情搞笑之餘，更不時為觀眾帶來驚喜，琴晚嗰集「公主落難記」一開始就有幾張在「威龍秘密網」流傳影射龍家的漫畫圖，描述「公主」為了跟送水工人私奔，不惜放棄原本有嘅富貴榮華，而且激嬲「國王」。其實漫畫根本就仿照龍家大房而畫，大小姐（林淑敏飾)為了跟送水輝（許家傑飾）在一起，不惜對抗爸爸龍敢威（羅樂林飾），舅父KC（歐瑞偉飾）睇完漫畫之後都笑問：「入面個低B細佬，流晒口水鼻涕，仲唔係你？」而Terry（李偉健飾）反問：「咁即係企喺側邊懶有型，但其實好樣衰嗰個就係你呀？」非常搞笑。
Terry為劇組特別畫了一系列的漫畫，大受讚賞。（圖片：《愛回家之開心速遞》電視截圖）
昨晚一集以故事書形式開始劇情。（圖片：《愛回家之開心速遞》電視截圖）
Terry笑問漫畫是否影射龍家？(圖片：《愛回家之開心速遞》電視截圖）
Terry畫出大房家人的肖像，其中大龍生發惡的樣子非常神似，而Terry是右二的怪獸肖像，流住鼻涕食糖。（圖片：李偉健IG)
大家睇到漫畫都不需要太花時間猜想，無錯，正是演員Terry的作品，事關他沒有畫出自己的人像，反而用他筆下最典型的怪獸取代，所以《愛回家》迷一睇就知係漫畫家Terry的作品。Terry接受《晴報》訪問，他表示：「監製邀請我幫手畫漫畫，所以我一收到劇本就日日畫，因為工作好忙，日日都係趁收工時間返屋企先畫，大家只係睇到呢幾幅畫，但其實試顏色同唔同造型都試咗好多版本，所以我都捱咗十幾晚通宵。因為畫人像唔係我擅長，如果要我畫怪獸會比較得心應手，所以花時間比較長。」
Terry畫大龍生同家姐龍力蓮都好似。（圖片：李偉健IG)
呢隻恐龍夠晒生動。（圖片：李偉健IG )
送水輝的肖像長期無衫著，狂騷八嚿腹肌。(圖片：李偉健IG)
問到會否有興趣為龍家甚至《愛回家》畫漫畫書？Terry說：「其實我近排好忙拍攝工作，已經好多時間都冇機會畫畫，畫呢幾幅已經好花時間，如果出漫畫要畫好多幅，真係冇辦法。」
網友對他的畫作一致性讚好，部分留言如下：
「一開場就知你既畫～畫得好有神髓～好勁!!」
「 真係畫得好神似，而且有你的漫畫故事更為傳神吸引，加油！」
「 等待你的動畫版開心速遞」
「今晚開場一睇啲公仔就認得係你畫，見到流鼻涕嗰幅即爆笑出嚟」
「劇中精彩，連畫亦精彩呢！我們支持呀！還有，畫或人都是美，正。」
上下兩幅是劇情和漫畫的融合，非常厲害。（圖片：李偉健IG)
（圖片：《愛回家之開心速遞》電視截圖）
其實李偉健未入行前，曾是漫畫雜誌《CO-CO!》的人氣漫畫家，其中經典作品《校園大英雄》是不少八、九十後的集體回憶，他直言自細就鍾意睇漫畫書，就算無錢買，都會去巡垃圾房睇睇有冇人掉出嚟，十幾歲就開始做漫畫師學徒，可惜漫畫業慢慢走下坡，他都迫於無奈要轉行，於是考健身教練牌照，並參加「香港先生」，正式扭轉命運兼脫貧。現時Terry角色大受歡迎，他拍劇的工作都愈來愈忙，但他沒有放棄漫畫，他的畫作在動漫展其中一個攤檔展出外，他不時會在社交平台拍片教大家畫漫畫，吸引不少漫畫迷追看。
小甜健是李偉健的筆名，他的畫作在動漫展都有展出，右手邊恐龍主題的正是李偉健的作品。（圖片：李偉健FACEBOOK)
李偉健不時在網上拍片教人畫漫畫。（圖片：網上短片截圖）
李偉健以漫畫自嘲身型已經走樣。(圖片：李偉健IG）
李偉健曾經是健身教練，身形弗到漏。(圖片：李偉健IG）