組合Boyz成員張致恒（Steven）昨日突然在社交平台報喜，他上載跟一名女子的恩愛合照，並寫上：「感恩，我們將踏入人生另一階段，謝謝妳！」隨後他回應傳媒查詢時，他直認已經榮升爸爸，並已為兒子天寶舉辦百日宴，希望得到大家的祝福，而他亦會稍後正式跟女友結婚並補辦婚禮。Steven透過經理人公司邵氏兄弟發表聲明，他說：「一直都好想同大家分享三個喜訊。但未婚妻十分體諒及愛錫我，一直不想影響我嚟緊的工作安排及想低調處理。不過今次，請原諒我的衝動。嚟緊，我將會盡我人生最大嘅努力，做一個好男人、好老公同埋——好爸爸！#我們仨」
張致恒正式公開未婚妻正是粉絲雯雯。（圖片：張致恒IG )
Steven透過公司發表聲明宣布做爸爸。（圖片：邵氏兄弟)
Steven昨日晚上再上載一家三口的合照，並留言說：「以往自己年少輕狂，但好感激未婚妻雯雯，事事包容，更為我添了一個非常健康可愛嘅寶寶。踏入人生另一階段，今後我會更努力工作，賺多D錢，盡力比最好嘅教育小朋友！」消息一出，不少圈中人都紛紛留言送上恭喜，當中包括好友容祖兒、蔡卓妍、張彥博、林盛斌、徐榮、鍾舒漫、方力申、鄭希怡、在幾百個留言之中，突然發現Steven原本公開的女友梁皓恩（April）都有份留言，她說：「我呢？你會唔會覺得你有嘢要同我講，你想逃避到幾時，一個電話都唔面對？你所有衫褲鞋襪同所有嘢都仲係我度，你嗰啲愛我嘅message呢？先幾日仲有喎？你仲爭我好多錢，right？你唔打畀我嘅話，醫院見。」
Steven再上載一家三口在百日宴的照片，囝囝名叫「天寶」。（圖片：張致恒IG )
幸福背後，惹來April激動留言。（圖片：張致恒IG）
不少網友都留言勸April不要做傻事，到底是否Steven一腳踏兩腳，而April又是否蒙在鼓裏，慘「被出軌」後又「被分手」呢？而其中一位網民留言自爆自己是第四者，更揚言同時有第五者、第六者存在：「受害者不是你一個，依家我仲有兩個女仔等你。」「你想讓全世界知道你是個好人，但我們都讓身邊人知道我們是白癡。」她揚言「周一見」，未知是否想公開她跟Steven之間的關係。
April為事件大受打擊，一度揚言：「怕過唔到今晚」。(圖片：梁皓恩IG）
事件不停發酵，直至昨晚April再在社交平台留言，她上載一張極似Steven背影的照片，並寫上：「May i know what’s going on?!!!!點解忽然世界末日?!!!!!!!!! #我怕過唔到今晚 #被偷走的那五年」似乎因為突然「被分手」一事而未能釋懷，她的留言寫上「我怕過唔到今晚」，不少網友都留言勸她要保重，不要做傻事，而April接受傳媒訪問時直認所有事情是不知情，直至睇到他在社交平台公布消息才知道，她揚言點計數都計到Steven背住她偷食，自己暫時未能接受事實。
事後，網友反應由恭喜變成一面倒狂留言鬧爆Steven係「賤男」，部分網友留言如：
「香港第一渣男」
「賤男收得咁密，令所有人連正印係乜水都唔清唔楚，你有無良心？你好意思收人數百個恭喜？你等畀天收啦！」
「張致恒，作為一心一意跟咗你15年嘅fans嚟講，我覺得我絕對有資格發表呢番偉論：以前好多負面新聞講你嘅不是，我哋大家都會話你未大個仔啫，畀啲時間佢啦。但如果當喺有女朋友嘅情況下，你依家可以搞第2個而有咗而結婚嘅話，呢啲係咪真係負責任嘅行為？」