38歲張景淳上年曾傳出同Hana菊梓喬拍拖，同樣係二人仲被影到一支飲品兩份飲，非常Close呀！有指二人已發展地下情一年幾，不過Hana就話張景淳係佢多年朋友兼鄰居，兩個自細一齊夾band，可以話係識於微時。但有眼利網民發現張景淳同Hana戴情侶手錶同埋用情侶手機殼，張景淳仲逢親Hana有咩音樂表演都例牌捧場，令二人拍拖傳聞甚囂塵上。
▲ 二人戴同款膠錶。（張景淳與Hana Instagram）
▲ 同款手機殼。（張景淳與Hana Instagram）
不過今年三月宣布與前夫黃文廸早喺上年已經離婚嘅36歲長腳蟹呂慧儀，早前傳出同《愛‧回家之開心速遞》嘅男友張景淳戲假情真，更被傳媒揭發二人疑似拍拖看戲，之後二人更一齊返回女方香閨。
▲ 網民都對呢對CP真‧拍拖大表興奮。
呂慧儀隨即否認拍拖:「愛回家入面個個都係兄弟姊妹，會互相幫助互相關心，我同景淳係好拍檔，觀眾鍾意我地呢對CP我都好開心，依家以工作同蟹籽為重，唔會諗拍拖事住，其他嘢唔回應喇～thanks🙏🏻」
▲ 笑容一致～
張景淳亦異口同聲話會開心觀眾鍾意佢哋呢對CP，同呂慧儀唔會因為咁而避諱，會如常努力工作。
▲ 係好襯嘅～（張景淳Instagram）
▲ 但大家都係唔好咁多幻想喇～（張景淳Instagram）
但有報道指張景淳同呂慧儀傳撻着嘅消息一出之後Hana Ig就取消關注張景淳，而張景淳亦冇再Follow Hana。
▲ 機殼都換埋，令人不禁聯想佢哋感情觸礁（張景淳Instagram）
對於被指一腳踏兩船，張景淳回覆時表現激動，表示與Hana一直都係朋友，仲話：「一啲為咗產生事端和新聞的胡亂猜側，不想作回應影響其他人。」意思即係張景淳同菊梓喬或者呂慧儀都只係一直保持朋友關係，唔存在報道所講嘅三角關係。