黃心穎偷食後首露面TVB節目 網民：馬國明一句話早預言復出

「安心事件」發生至今已有3個月，雖然許志安演唱會取消，所有工作都要叫停，不過與老婆鄭秀文已經冰釋前嫌，會結伴在山頂跑步，就連見到傳媒都明言沒有跟黃心穎聯絡，做回好老公。至於黃心穎近日被傳出狂致電馬國明哭崩請求復合，更有消息傳馬國明心軟向TVB請了1個月大假去當地陪她，不過對此傳聞馬國明終於同黃心穎劃清界線，指二人由始至終都是朋友，暗示已經分手。

其實黃心穎偷食留下的禍害都幾深，牽連甚廣，當中《法證先鋒IV》與《懿想得到》就要浪費過千萬港元重新拍過，又要叫有份出鏡的藝人們抽空再記對白與演出，認真可憐，黃心穎在《法證IV》戲份頗多，與黃浩然有感情線，故由湯洛雯取替。而《牛下女高音》因為多甘草演員，為免浪費一套好劇，惟有叫江嘉敏頂替黃心穎孭重飛做女主角。《丫鬟大聯盟》本來曾被抽起改為播映外購大陸劇集《皓鑭傳》，如今應該播出無期，連黃心穎在節目《我愛香港》做主持原本要重播，都臨時腰斬。

{{hket:inline-image name="11.jpg"}}{{/hket:inline-image}}

(黃心穎instagram)

馬國明一早暗示將復出？ 心穎竟於《安樂蝸》現身

事後黃心穎趕快飛往美國讀書深造，有傳她可能聽取家人建議專心留在紐約發展，似做金融業轉行，永別娛樂圈，TVB就再不會讓她出現。可是最近馬國明就話對黃心穎沒有怨恨，認為她並非殺父仇人，不介意日後會合作；又求網民給她1次機會，因為事件已經過去，而且她已經知錯、後悔：「過咗去啦件事，我見到有啲網民都繼續攻擊佢，我希望大家唔好咁過敏、咁激動，有邊個冇犯過錯。感情事係幾個人嘅事，又好難分對與錯，大家唔使咁大反應去攻擊佢，都冇必要就呢件事啄住。」，令網民懷疑他想為黃心穎復出鋪路。

結果，有人在TVB深夜重播節目《安樂蝸》見到黃心穎做嘉賓，她在講述睡房的設計，主持林穎彤問：「你理想嘅睡房設計係點？」，她回答：「其實我對睡房嘅要求唔高，只要有張舒服嘅床，已經係理想睡房」不少網民對於她出現都大感驚訝：「都話咗馬明之前訪問講啲嘢係暗示佢會返出嚟㗎啦！」、「點解佢仲敢出嚟？見到佢唔會安樂囉！」、「算啦畀新人多一啲機會，佢搵過第2份工好過」。

{{hket:inline-image name="12.jpg"}}{{/hket:inline-image}}

(黃心穎instagram)

{{hket:inline-image name="13.jpg"}}{{/hket:inline-image}}

(TVB電視截圖)

{{hket:inline-image name="15.jpg"}}{{/hket:inline-image}}

(網上圖片)

▼現時TVB已將有黃心穎的影片預告下架

{{hket:inline-image name="14.jpg"}}{{/hket:inline-image}}