張景淳與呂慧儀深夜上香閨 因《愛回家》真撻著？ 當事人開腔回應本刊132字

《愛．回家之開心速遞》是TVB的皇牌劇集，當中以龔燁（張景淳飾演）和熊若水（呂慧儀飾演）這對「龔水戀」最受歡迎。有情人終成眷屬後，二人的人氣有增無減，不僅深得香港觀眾喜愛，更衝出香港紅到去東南亞，很多觀眾都想二人在劇中早點拉埋天窗，一眾網民甚至想在現實世界中撮合他們成為一對。怎料今日就有報道指呂慧儀和張景淳並肩夜遊兼齊齊上女方香閨，對此當事人就有132字回應。

睇戲掃街兼夜上香閨被指拍拖

今日有報道指，呂慧儀同張景淳一齊在數碼港戲院欣賞電影《阿拉丁》，呂慧儀先步出戲院，不但將帽拉低偷偷地四圍望，又不時跟張景淳保持距離，警覺性十分高。張景淳之後驅車直駛西環，原來二人想搵餐廳醫肚食宵夜，但當時是夜晚10點，很多餐廳已經打烊，他們又駛到天后、中環、灣仔、北角、旺角，都未找到合適餐廳。最後張景淳決定掃街，在旺角小食店排隊買了魚蛋和燒賣，驅車兜路3小時才返回呂慧儀屯門黃金海岸香閨。當時已經凌晨1點，過了1小時二人依然未有落樓，傳媒估計張景淳仍然未離開。據知，呂慧儀與黃文廸離婚後，4歲囝囝「小蟹籽」由二人共同撫養，但平日囝囝都是與婆婆、公公生活，所以她如今應該是獨居。

{{hket:inline-image name="122.jpg"}}{{/hket:inline-image}}

(呂慧儀instagram)

{{hket:inline-image name="123.jpg"}}{{/hket:inline-image}}

(呂慧儀instagram)

{{hket:inline-image name="124.jpg"}}{{/hket:inline-image}}

(呂慧儀instagram)

常結伴令網民望真撻著 當事人回應本刊132字

其實自從今年3月前夫黃文迪被拍到與另一個女人於巴士車廂上纏綿，呂慧儀即刻宣布已離婚之後，她就擔當起單親媽媽的責任照顧囝囝，又經常被追訪相關新聞。當時拍檔兼好朋友張景淳不僅傳短訊叫對方堅強窩心鼓勵，又為對方發言，指她想靜一靜，獲網民讚man爆；而且呂慧儀數個月來人前人後都笑口常開，於instagram只會跟2個男性合照，一個是囝囝，另一個就是張景淳，關係漸漸變得疑幻似真。除此之外，他們的情侶檔形象十分入屋，所以戲裏戲外他們一直被認定是一對。今次網民對於二人疑似拍拖的傳聞都非常受落，力求他們做真情侶，入戲好深：「如果係都唔錯，希望能戲假情真，好襯」、「真嘅都好啊，女方係好女仔，人靚又有責任感」、「我都無睇，不過我覺得無問題，啱咪一齊，唔啱咪散囉」。

不過對於此報道，呂慧儀接受其他傳媒訪問時否認同張景淳拍拖，認為是網民入戲太深，笑言只同囝囝拍拖，惟問到昨晚一齊返上香閨一事，她回覆本刊：「愛回家入面個個都係兄弟姊妹，會互相幫助互相關心，我同景淳係好拍檔，觀眾中(鍾)意我地呢對CP我都好開心，而家以工作同蟹籽為重，唔會諗拍拖事住，其他嘢唔回應喇～thanks」。然後相信她是看過報道，於instagram限時動態表態：「喜歡現在的生活，簡簡單單的、開開心心的，不要想太遠太遠。《愛回家》的每一位都是家人，有你們真好」。另外，張景淳回覆《晴報》時就表示：「大家係好拍檔好朋友啊，同劇個個都係兄弟姊妹咁（係咪網友入戲太深？）會開心佢地鍾意呢對CP！（問：係咪唔會因為咁而避忌？）會如常努力工作」，最後加上一個甜笑表情符號。

{{hket:inline-image name="121.jpg"}}{{/hket:inline-image}}

(呂慧儀instagram)