從前，有一個節目叫《閃電傳真機》，之所以咁講，係因為依家90後同00後嘅年輕人已經唔再識得呢個節目，不過《閃電傳真機》歷史悠久，陪伴好多70、80後的人成長，而當年好多一線歌手都會唱兒歌分一杯羹，不過近年電視已經不是兒童的頭號恩物，取而代之就是電子產品和遊戲機，所以唱兒歌或睇兒童節目已經成為小眾嗜好。 當年《閃電傳真機》有固定班底，除了譚玉瑛、黎芷珊、 魯文傑、張潔蓮等之外，還有一大班童星，當中最為人熟悉之一絕對是東東。東東原名張裕東，現改名為張預東，當年在兒童節目是常設班底，還會擔任短劇、主持和唱歌的工作，非常忙碌。
東東為兒歌《白石嶺公園》拍MV。（圖片：網絡截圖)
東東小時候獲好多主持人疼錫。（圖片：網絡截圖)
東東（中間）經常亮相在兒歌金曲頒獎禮。（圖片：網絡截圖)
近日，東東在無綫《七月星辰》的活動上亮相，在電視機中再一次見到他，外貌已經幾乎認不出來，不過聲線一出，就令人有似曾相識的感覺，總是覺得在電視入面聽過。東東笑言擔任配音工作好多年，有時候聲音有好處，他說：「試過有一次我去街市買豬肉，我話要廿蚊搞碎豬肉，店主聽到即刻問我係咪電視入面叫人去Big Big Shop買嘢把聲，咁都認得，佢仲畀咗靚豬肉畀我添。」原來東東細個開始已經擔任配音工作，《反斗奇兵》入面，玩具主人Andy把聲就來自東東。
東東改名為張預東，努力在配音界發展。(《晴報》圖片)
東東直言好想衝出配音界，同曹總一樣參與幕前演出。(《晴報》圖片)
東東接受《晴報》訪問，他表示現時正在無綫擔任配音員的工作，全職已經差不多十多年時間，多會為劇集、卡通片或外購節目配音。至於有沒有掛住幕前工作？東東說：「有，我有心癮，因為近年網絡好多拍片的工作找我客串，我又重拾以前個感覺，覺得拍嘢好好玩，以前好少機會拍劇集，兒童節目居多。」
記者表示《愛回家之開心速遞》中的曹總劉一飛是一個好好的成功例子，東東說：「曹總夠特色，我暫時都係玩吓拍吓短片，轉幕前好難。不過我咩都想拍，因為其實配音都係演戲一種，我一邊配音，其實一邊都學好多唔同類型嘅劇集，希望將來有機會演啦！不過我好怕醜，唔敢主動搵監製傾。」
東東在YOUTUBE開設CHANNEL講配音工作。(圖片：網絡截圖)
東東親自示範平日的配音工作，他一邊講一邊七情上面。(圖片：網絡截圖)