《白色強人》手術背後大剖析 明成北醫院人腦心臟現實係咩嚟？

《白色強人》首周收視終於公布，由於此劇集合李佳芯、張曦雯2大TVB女神、也是郭晉安告別TVB之作，加上醫療劇在TVB一直有良好的口碑，首周平均收視高達27.7點，絕對是一流的水平。連觀眾都好評不斷：「好認真嘅TVB戲、好用心嘅劇本同演員，比起其他電視劇已經好睇好多」、「成套戲拍得超專業，有別以往醫療劇」、「睇咗幾集，手術冇打格仔或者剪咗去，畀like」等。其實得到這個佳績，除了一線演員馬國明、蔣志光及題材的吸引力很高，工作人員在幕後認真製作都應記一功。可能有幾個問題觀眾都很好奇：手術中的人腦、心胸是否真的？手術過程如何拍攝？明明演員並非醫生，為甚麼他們能講醫學名詞、做手術步驟能夠如此專業？

道具逼真

睇白色強人不僅是欣賞馬國明與郭晉安鬥醫術、鬥有型、鬥chok，都要看清楚手術過程同難度。無論在開腦、換心手術，還是開胸治療，其實每次開刀都不需找真人，當中內臟、皮膚之所以會如此逼真，是因為幕後工作人員很認真地製作。例如開腦手術就用了假人，特別道具副督導黃世鴻就話：「開腦手術唔單止係揭開頭皮，開咗之後，腦裡面仲會見到細緻部分同血管分佈，先可以細緻到交代畀觀眾知道開腦手術係幾咁麻煩。」另外第6集換心手術，那名5歲小女孩會跳動的心臟就由模型製成。裡面有機關，通電後出會類似心臟噗噗地跳動，工作人員參考手術資料改動了好幾次，連大動脈、主要靜脈也幾可亂真，十分仔細。有時甚至會用到豬雜，令拍攝棚內充斥著濃烈的腥味，務求產生一種真實感，再將這種新感覺帶給觀眾，成功令網民讚不絕口：「真係學到好多嘢，我仲以為係用真人腦」。

{{hket:inline-image name="15.jpg"}}{{/hket:inline-image}}

(TVB電視截圖)

{{hket:inline-image name="17.jpg"}}{{/hket:inline-image}}

(TVB電視截圖)

{{hket:inline-image name="16.jpg"}}{{/hket:inline-image}}

(TVB電視截圖)

真實醫生指導

演員非醫生，為了更加專業地講醫學名詞、做手術步驟，劇集找來真實醫生在旁邊做指導。飾演腦科醫生的郭晉安常常要為病人開腦：「我哋真係要落手落腳去做，邊一種嘅刀將癌細胞點攞走，要睇好多片然後學習。我會認識到原來人腦有好多唔同症狀，嗰粒瘤生喺唔同位置，落刀嘅方法都唔同。」飾演腦神經外科醫生的黃嘉樂就話：「我要做好多開腦手術，某一部分嘅手術原來有啲動作要好大力，例如開顱蓋。」除此之外，醫生要講英文，很多時醫學用語又長又繞口，不是人人讀得來，搞到馬國明忍不出說：「我最憎講英文！」

{{hket:inline-image name="19.jpg"}}{{/hket:inline-image}}

(TVB電視截圖)

{{hket:inline-image name="13.jpg"}}{{/hket:inline-image}}

(TVB電視截圖)

{{hket:inline-image name="12.jpg"}}{{/hket:inline-image}}

(TVB電視截圖)

{{hket:inline-image name="14.jpg"}}{{/hket:inline-image}}

(TVB電視截圖)

▼按此有醫學名詞英文空耳片段

{{hket:inline-image name="11.jpg"}}{{/hket:inline-image}}

(TVB電視截圖)

拍攝角度要遷就手術過程

第3集飾演心胸肺科醫生的李佳芯為小朋友做手術，技巧純熟，畫面睇落很逼真，但原來鏡頭後她是對著空氣做出切割動作，旁邊就有另一名演員幫忙在血漿樽內扮抽血。

{{hket:inline-image name="18.jpg"}}{{/hket:inline-image}}

(TVB電視截圖)