【逃犯條例】Do姐電台為示威學生哭崩3分鐘 王宗堯遊行獻白花悼念死者

在6月9日逾100萬人遊行反修例，及6月12日巿民示威爆發警民衝突後，特首林鄭月娥僅決定暫緩但拒撤回《逃犯條例》修訂，以及一名反送中抗爭者在太古廣場掛橫額表達訴求時墮樓身亡，直接激發6月16日200萬人上街遊行聲討林鄭月娥。遊行人士除了大叫「撤回」及「香港加油」等口號，更加帶同白色鮮花、手摺花、紙鶴、心意卡，放在金鐘太古廣場圍欄邊悼念死者。遊行人士又低頭默哀20分鐘，為死者上香盡點心意。現場哭聲不斷，場面傷感。

曾經在6月11、12日不斷來回金鐘，為示威者補給物資的王宗堯，昨日亦有穿起黑衫、扣了白絲帶，拿著一大盤白花參加反修例遊行，並派發花朵予在場市民。他指墮樓事件後都見到很多巿民手持白花到來，亦有慈善團體派花出，相信大家都很心痛。王宗堯很關心市民，第1，他叫大家7月2號前登記選民；第2，王宗堯叫遊行人士補水，不要嗌交，要平靜遊行，同身邊人講句加油或點頭微笑；第3，王宗堯又讓路給救護車，之後繼續遊行。
 

{{hket:inline-image name="14.jpg"}}{{/hket:inline-image}}

(王宗堯facebook)

直至昨晚，林鄭月娥再發聲明向全港市民致歉，未有撤回修例，故今日不同團體再次發動罷工，罷市、罷課，過千示威者從添馬公園走向特首辦高叫「撤回」，重新佔據金鐘龍和道、添華道，示威者用「雪糕筒」封閉立法會道左轉龍和道的入口。

另外，主持多年電台節目的Do姐鄭裕玲為了保持專業，一向不會多講政治，因為她自知自己說的一字一句影響力比平常人大，想不到今日商業電台節目《口水多過浪花》中，Do姐竟然就近日事件開腔講感受，過程中更忍不住抽泣。

節目一開始，Do姐已經語帶哽咽說：「喺過去兩個禮拜，我去咗第二度，係為咗拍我一個節目，但係呢……喺當時，我哋收到好多關於香港嘅消息，睇到好多好心痛嘅場面，尤其是我哋香港嘅學生同埋年輕人。」接著她一邊哭泣，一邊就事件發表意見，希望大家和平為主：「呢兩個禮拜其實我哋去咗好多地方，要坐好多車、好多飛機。但係最後嘅一程，就係我哋最盼望嘅一程，因為嗰程係飛返香港，香港係我哋嘅屋企嚟，發生咗好多事，屋企係最緊要........I'm sorry，可能我老咗，好情緒化。我哋要珍惜呢個屋企，同埋尤其是我哋嘅年輕人，同埋學生。我好希望香港可以好快回復番平靜，我哋和平相處嘅狀態。中間我有同迪偉（余迪偉）傾過偈，我同佢講，其實我覺得呢，我係一個娛樂人，喺一個咁繃緊嘅狀況之下，我覺得我應該做番我嘅責任。《口水多過浪花》係一個娛樂、開心嘅節目，喺一個咁嘅氣氛之下，其實我哋應該發揮我哋自己嘅作用。我相信有好多人有好多嘅情緒，就算係我哋呢兩個禮拜去咗咁遠嘅地方，都好多情緒嘅牽動，我講完呢番說話之後，我哋可以令到人，喺呢個半鐘頭，鬆番少少、開心番少少，我就覺得係盡咗自己今日嘅責任。」，跟住去歌，整理心情。」

按此有3分鐘節錄版聽

{{hket:inline-image name="11.jpg"}}{{/hket:inline-image}}

(鄭裕玲instagram)

聽完Do姐接近3分鐘的感受，網民意見不一，有人很多謝她發聲：「佢都講即係佢都覺得好嚴重，唔好喊啦，我哋會努力啦」、「Do姐不嬲係最高質嘅阿姐級人馬，同後生仔又玩得埋」；但有人就話：「老戲骨」、「咩年代，喺外地就發唔到聲」等。每當有中港矛盾、一國兩制等議題出現時，都有網民想起90年代初由張堅庭執導，Do姐主演的《表姐，你好嘢！》系列，今次也不例外。網民回想起處處暗示中港關係的「表姐對白」，都大讚Do姐有遠見。

{{hket:inline-image name="12.jpg"}}{{/hket:inline-image}}

(電影截圖)

{{hket:inline-image name="13.jpg"}}{{/hket:inline-image}}

(電影截圖)