【逃犯條例】網紅聲稱目睹示威者收錢 女英文老師否認430字澄清

經過昨晚反修例行動，今日早上大批市民疑似發起「全民不合作運動」，令港鐵觀塘線幾次延誤。及後立法會主席梁君彥宣布原訂於昨日舉行的立法會會議，亦不會在今天舉行。直至上午11點，金鐘中信大廈聚集過百示威者，與穿著防暴裝備的警員對峙。警方繼出動豆袋彈、催淚彈對付示威者，又將示威定性為暴亂後，警方就示威已開展拘捕行動，於伊利沙伯醫院及廣華醫院拘捕4名求診的男子，當中包括女拔通識科姓楊的教師及一名城大學生，涉嫌犯下暴動罪。

網紅聲稱示威者收錢

另外，社交網站群組瘋傳一張相片，黑衫女手持紙幣被3男女圍住，發文者聲稱該名示威者收錢遊行、唱政府、搞事等。

有網紅亦轉載相片，聲稱前晚目睹一名青年向餐廳老闆指，自己參與反修例遊行獲得2,000元酬勞。據了解，該名網紅畢業於名校，曾在Facebook感謝特首林鄭月娥堅持政府的原則、撐《逃犯條例》等。

女英文老師430字極力澄清吐真相

傳聞真相其後終於水落石出，及後相中女士終於現身並於社交平台隔空回應，透露事情真相，粉碎傳聞。她自稱是英文老師，否認指控，澄清當日收錢是因為想幫手為前線示威者買物資，強調自己根本沒有參與6月9日的示威遊行：

「真係咩人都有

1 , 相入面的確係我嚟
2 , 唔好意思無化妝無打扮
3 , 件事係：幾個朋友想幫手買物資，所以行去中環感靈頓街五金舖（如果係畀錢後生仔搞破壞，唔知點解背景要係五金舖）
4 , 大家都無準備過，所以無咩現金，要籌錢。佢哋每人拎咗$200出嚟,我拎咗$750,所以我負責拎住所有cash,邊個人需要買野,就喺我度拎錢
5 , 我買嘅全部都係保護裝備，手套/頭盔etc
6 , 我無政黨背景，連69遊行都無去，如果要畀$5000去叫人破壞，我寧願留番畀自己買包包
7 , 身邊無一個係學生，全部都係差唔多年齡同大過我嘅朋友#無咩野補充」