「晴報睇電視」小編呢排都有追開《如果這樣生活》，可以睇靚風景之餘，又可以聽吓藝人私底下心聲，真不錯，之前播出過黎諾懿、袁文傑，而最令小編感興趣的就是張頴康，事關他早前已經預告今次飛到四川和雲南拍攝，四日以來的探訪，他喊足四日，事關節目拍攝內容觸及到他人生最痛的位置，令他變成大喊包，他直言首站探訪兩位腦殘小朋友的家庭，跟他們的父親對談時，自己都大為感動，很佩服對方的勇氣和耐力，自己實在未必能夠做得到。
張頴康為節目到訪雲南和四川，了解當地人的小故事。（圖片：張頴康Facebook）
張頴康直言節目觸碰到他內心最痛處，所以喊足4日。（圖片：TVB）
自小被父母離棄的張頴康慶幸自己長大後能夠擁有真正完整的家。（圖片：TVB）
在早前的預告中，張頴康的獨白一樣令人感動，他說：「嗰一年我得4歲，要揀跟阿爸定跟阿媽，但其實我冇得揀，因為只有阿嫲會留喺我身邊；嗰一年我30歲，我可以揀慶祝或者唔慶祝我嘅生日，但係其實我冇得揀，因為我一定唔會慶祝，因為之前嗰26個生日，冇一個我唔係流住眼淚咁過。我有諗過，可能呢一世都唔會再見番媽媽，又或者呢一世都冇可能有完整嘅家，好好彩，只係可能。嗰一年我36歲，我第二個仔小花生出世，多謝太太，原來一家人整整齊齊、簡簡單單咁生活係咁好呀！」
在節目中，張頴康大談小時候的往事。(圖片：張頴康Facebook）
張頴康從小就缺乏家庭溫暖，4歲時媽媽離家出走，爸爸返大陸再娶後，兩父子見面少而變得生離，一直以來由嫲嫲照顧。20歲時，他得到劉德華賞識而加入演藝圈，隨後在無綫電視發展，多年來浮浮沉沉，但慶幸遇到太太麥雅緻。張頴康在訪問曾經承認對麥雅緻是一見鍾情，所以主動約對方睇戲，然後拍拖，對方家底好，學歷高，但未有影響二人相愛與發展，拍拖4年後結婚。他表示感激雅緻陪伴他度過人生的最低潮，特別是患銀屑病最痛苦的日子，收入不高又要花錢醫病，幸好一切都捱過。雨過天晴，2016年張頴康憑劇集《一屋老友記》三寶的角色獲得「萬千星輝頒獎典禮2016」的「飛躍進步男藝員」，當時他拿起獎座感激一直支持他的太太麥雅緻。
張頴康跟麥雅緻雖然家境不一樣，但最終能夠開花結果組織家庭，非常幸福。(圖片：張頴康Facebook）
張頴康跟麥雅緻先後誕下小豆和小花生，一女一仔，一家四口生活幸福，也彌補了他童年的缺口，張頴康工作愈來愈順利，也尊重太太成為網絡KOL的意願，非常支持對方，只要放假有空的話，就會陪伴一對仔女去樂園玩，或者去旅行，實行要身體力行做個好爸爸、好丈夫。
只要放假，張頴康同麥雅緻一定抽時間陪伴一對仔女。(圖片：張頴康Facebook）