大家有冇睇《婚姻合伙人》琴晚第18集呢？小編睇到其中一幕講到姚瑩瑩開的小巴死火，在車廂中的徐懿蜚（古明華飾）成為講故佬，講述貝競枝（高海寧飾）和郎朝勇（楊明飾）的愛情故事，而乘客正是陳榮峻、吳香倫和林凱恩等，這個組合一睇，咁熟面口嘅？三位咪就係《愛回家之開心速遞》入面譚氏一家，亦即係譚道德、譚何容儀和譚育英（Bonnie）。林凱恩在IG留言：「有看見這個青澀得很青春的我嗎？嘻嘻，我們就當這個是譚氏一家，2017年為大家準備的小彩蛋吧#婚姻合伙人 #譚氏一家的緣份 #一家人齊齊整整 #驚喜唔驚喜~ #好像都沒怎麼變 #同阿森一族預言差不多 #平行時空 ~」
譚道德一家三口竟然時空交錯出現喺《婚姻合伙人》入面。（圖片：林凱恩IG)
在《愛回家》入面，三人關係雖然好正經，譚道德和太太又經常滿口道德禮儀，但偏偏Bonnie男朋友就係金城安（周嘉洛飾），一個破壞力超強嘅人，除咗整爛譚家的獎座、道德經之外，佢令到原來一本正經嘅譚道德竟然全裸人前，簡直令他陷入瘋狂狀態，認真陰公......
金城安令譚道德一家陷入崩潰狀態。（圖片：林凱恩IG )
Bonnie有金城安呢個破壞王男友，認真大件事。(圖片：林凱恩IG）
《婚姻合伙人》係兩年幾前拍落嘅劇集，當時《愛回家》嘅譚道德夫妻同Bonnie都未開始亮相，就琴晚一集《婚》所見，林凱恩扮演學生妹，但戲份唔多，連對白都冇，其實今年26歲嘅林凱恩參加《2015年度香港小姐競選》入行，並奪得「友誼小姐」獎項，後來佢主力戲劇同主持發展，除了飾演Bonnie一角之外，《降魔的》的演出亦係佢嘅代表作。
林凱恩選港姐都係為幫媽咪圓夢。(圖片：林凱恩IG）
現實生活中，林凱恩喺單親家庭長大，中學時代父母離婚，一直以來都係由媽媽湊大，不過凱恩媽媽認真厲害，照顧兩兄妹不特只，仲要進修神學，2016年凱恩媽媽完成7年神學課程，仲得到獎學金，認真威水，凱恩仲話當年係同媽咪兩母女一齊努力溫書，好驕傲有個咁勤力嘅媽咪，仲同大家分享佢哋一家三口嘅畢業相。劇集入面Bonnie阿媽叫「譚何容儀」，而現實生活中，佢媽咪可以不停自我增值，絕對係「談何容易」！林凱恩好錫媽咪，除咗參選港姐幫媽咪圓夢之外，佢只要放假都會陪住媽咪，又母女一齊拍拖，真係同Bonnie一樣係個乖乖女！
兩母女感情要好。(圖片：林凱恩IG）
兩母女好似樣。(圖片：林凱恩IG）
林凱恩媽咪修讀7年神學課程，仲得到獎學金，認真厲害。(圖片：林凱恩IG）