「情」呢一樣嘢，一向都係冇一個量度單位，一切都係關於你嘅個人感覺；同一個人相處時嘅互動。不過偏偏大陸網民對兩個人嘅情感有一番獨特嘅見解。
吳奇隆與中國大陸女星劉詩詩因為拍攝劇集《步步驚心》撻着，終於喺4年幾前拉埋天窗，今年4月底二人嘅愛情結晶品誕生。吳奇隆安排劉詩詩返到佢故鄉台灣入住索價新台幣1.2萬元（約港幣$3000）一日嘅VIP坐月套房。
不過竟然有大陸網民笑吳奇隆寒酸？有關網民話同為大陸一線女星嘅趙麗穎、楊冪分別去上海、香港產B，相比之下使多好多錢咁話，仲話吳奇隆唔捨得使錢喺老婆身上。仲話高圓圓早前誕女，都係入住每日$7400嘅坐月中心，劉詩詩當堂比下去咁話。
台灣婦科名醫蘇怡寧
呢番言論引嚟咗台灣婦科名醫蘇怡寧昨晚在facebook發文撐吳奇隆，全文如下：
有關醫療的本質
四爺很抱歉
因為台灣醫療太便宜害你被中國網民酸（寸）了如果
你要像出國住飯店一樣比奢華比寬敞
對不起
在台灣我們不玩這個
要比這個那你生小孩去飯店生好了
杜拜不錯但是
如果要談到醫療的本質
我必須很驕傲的說
台灣人
我們真的是很幸福的我們之前一直笑著跟別人說
台灣跟大陸醫療的費用差不多
只是後面的幣值不一樣
一個是新台幣一個是人民幣
然後笑著笑著就哭了你知道每天有多少有辦法的中國人來台灣就醫就是相信台灣的醫療品質嗎？
你知道每個月都有多少中國的醫療機構要來我們這邊取經都被我們拒絕嗎？其實
這沒什麼好嘴（爭辯）的啦四爺是寵妻才會留在台灣的
你識貨#我台灣人我驕傲
其實吳奇隆一向都出名錫老婆錫到燶，2人經常畀傳媒影到私下嘅恩愛舉動，吳奇隆主動會搣栗子餵劉詩詩；會未換戲服，就送探佢班嘅劉詩詩去機場，仲全程幫手拖篋，直到目送太太登機後才離開，體貼入微。呢啲都係旁人感受唔到嘅愛。
如果要講錢嘅，二人2016年喺峇里島搞海島婚禮，為咗畀劉詩詩一個終生難忘，吳奇隆豪擲逾2,000萬，他邀請300位賓客，交通、食宿全包，邀請恩師張小燕、小虎隊及諸多圈中好友，咁又點樣計？
婚禮當日放咗成兩分鐘煙花，夠土豪未？
感情從來都唔係一盤數，其實呢樣嘢又點可以用錢去衡量呢？兩個人之間相處得好唔好又會係一班「塘邊鶴」感受真切得過當事人？難怪何猷君會喺大陸商場搞個咁「盛大」嘅求婚Party啦，原來咁先代表I love my wife，小編真係老了。