受高空反氣旋影響，近日香港天氣炎熱，新界局部地區日間較為酷熱，最高氣溫約攝氏35度，容易引起熱衰竭及中暑，所以不少學校都會開冷氣。不過元朗某中學一名學生就在Facebook 專頁「名校secret」爆料指校長不滿學生在攝氏32度下仍穿著冷衫，於是突然命令全校課室除教員室之外都要熄冷氣，搞到個個學生都怒氣沖沖，引來網民正反激烈爭論。有人覺得大熱天時仍要著冷衫是浪費地球資源，不環保；有人又認為部分學生身體差，可能因濕疹、感冒、發冷問題才著冷衫，加上每班冷氣溫度不同，坐的位置及冷氣是否吹正又有影響，故批評校長沒有顧及學生。其中一個受害學生大膽露3分1容貌，兼聲音經過處理下，於《東張西望》上剖白背後苦衷，又力數學校其他欺負學生的惡行。節目一播出再次引來網民討論，馬上將受害學生起底，得知其姓名，不過小編搵到該學生就好勇咁坦承是自己，還夾雜粗口揚言：「我要求唔打格，使X驚學校咩，反正早就預咗下年走。」
批校長熄冷氣不近人情 受害學生剖白苦衷
事緣5月16日，校長不滿學生大熱天時都著冷衫，結果等到下午1點至2點，學生在課室食午飯期間透過中央廣播宣布：「今日天氣炎熱，學校已經爲同學開冷氣，但仍見到同學著冷衫，如果下晝再見到相同狀況的話，今日全日下晝就會熄冷氣。」本來以為校長只是阻嚇學生，怎料不足30秒就突然全校除教員室之外都要熄冷氣，個個在接近攝氏32度高溫下在班房侷到暈。學生猜測是校長早上巡樓時見到有人穿冷衫，才忽發奇想勒令執行此措施。去到下午2點，中央又廣播「承上宣布後，我哋將有訓導巡各班同學是否仍著冷衫，如果仲有，將不開啟(冷氣機）。」，訓導老師一邊巡，一邊似乎很費解校長的做法，最後學校終於願意在2點20分重開。結果第2日學校就出通告，解釋因為要去除充斥班房內的飯餸味，讓班房打開門窗通風，讓學生有更美好的學習環境，所以要熄冷氣。不過學生就認為學校只是美化事件給家長看，第1如果要去除飯餸味所以熄冷氣，難道所有餐廳都應該要熄冷氣？第2，木棉樹正在盛開，木棉花吹入班房令不少學生氣管敏感。第3，有次上堂氣溫達到攝氏27度，已過天文台分區指引要開冷氣，但學校沒有開，令男老師都熱到就暈低，奇就奇在當時在校長室、教員室都沒有以身作則熄冷氣。
(TVB電視截圖)
(TVB電視截圖)
(Facebook page截圖)
(Facebook page截圖)
《東張西望》就訪問到其中一位學生，他表示：「其實嗰日都幾猛太陽，我哋都好詫異。我覺得成件事好唔合理，方法太強硬，冇理由因為同學體質需要著冷衫就去罰呢啲同學，或者用一啲手段去令到佢哋除冷衫。」學生又話學校近日出了夏季使用冷氣課室指引，高中學生於下午1點就要熄冷氣，因為有部分學生會外出午膳，餘下在班房食飯的學生就飽受酷熱天氣煎熬。其他學生就話：「我哋有交冷氣費，學校應該開冷氣啦」、「我個位17度嘅冷氣冇遙控器較，風口吹住好凍，其他人坐遠啲啲嘅，佢哋咪熱囉，冇理由因為我一個人太凍熄咗佢」。其實其他學校的學生都有冷氣下著冷衫的習慣，怕冷、帥氣、遮掩體形都有，不是異舉。
(TVB電視截圖)
(Facebook page截圖)
(TVB電視截圖)
(TVB電視截圖)
同校學生狂爆學校其餘惡行
節目攝製隊就揭發該校原來很喜歡搞綠化工程宣傳環保，包括在操場、7樓走廊都鋪上假草皮，然而這些草皮沒有環保作用之餘，有時下雨有昆蟲藏在裡面，有學生被咬。主持游茛維就嘗試經學校大門聯絡涉事簡校長，不過保安就話：「唔知喎，咩都唔知喎」，拒絕讓節目主持入校採訪。除了這件事，其他同校學生仲於「名校secret」爆料學校原來有更多惡行，直指學校做法荒謬：
1.強迫學生著衫
上年1月左右有幾日天氣寒冷，其中一日校長於早會時間突然所有老師檢查各位學生是否有穿著校褸，指校褸能保暖，加上流感高峰期，所以身體健康狀況很重要。同時又確保每位學生有購買學校校褸，如果沒有買，甚至沒有穿上就會記名，記名超過3次會被人罰去留堂。
2. 無預警丟棄學生財物
2年前已有學生爆料，指學校6樓被選中為DSE公開試考場，當時老師在無任何提醒、警告下將中六學生放在課室、儲物櫃的物品一律掃落垃圾膠袋，放到垃圾站丟掉，要學生到垃圾站執回物品，如果有鎖就會剪鎖。最後在眾多學生不滿及投訴盜竊私人財產的壓力下，學校終於軟化，將所有物品都放在校務處叫學生認領，但由於那幾天正下雨，物品全被雨水淋濕。
(Facebook page截圖)
(TVB電視截圖)