日前適逢母親節，雪梨的囡囡徐頴堃（Erica）同媽咪到張敬軒嘅「仙后餐廳」慶祝，更鬼馬地同媽咪雪梨扮鬼臉自拍，其實Erica接受《晴報》訪問時早已預告會食飯慶祝母親節，不過佢當然不忘叫埋姨媽米雪一齊食飯，事關這個姨媽由細到大都非常照顧她，Erica實在乖女又抵錫，難怪氹得姨媽咁高興，大讚呢個姨甥女「有心思，太感動！」(相關新聞：http://bit.ly/2JmKlcq)
（日前Erica同媽咪慶祝母親節，亦不忘叫埋姨媽米雪，米雪Facebook圖片）
(米雪Facebook圖片）
米雪從小到大都非常重視家人，佢喺家中行第四，對落有三個妹妹，雪梨係佢最細嘅妹妹，二人相差9年，而身為大家姐，米雪從小到大都好錫雪梨，同呢個妹妹感情好好。當年只有17歲的雪梨同徐少強「剪不斷理還亂」嘅一段情，拖拖拉拉多年，搞到米雪非常心痛，覺得徐少強唔係好男人，所以米雪曾極力反對雪梨為男方生仔，怕個妹之後嘅路會行得好艱難。不過，雪梨為愛堅持先後誕下大仔徐偉棟和細女Erica，後來同徐少強分開，雪梨為專心喺香港賺錢，忍痛將一對仔女送到加拿大，交畀米雪同另一個家姐照顧，有6年時間雪梨同仔女只能靠長途電話維繫感情。
（一對仔女不時陪雪梨周圍去，好甜蜜！Erica Instagram圖片)
（雪梨同阿女Erica,Erica Instagram圖片）
米雪曾經跟男友尹志強感情穩定，經常出雙入對，但一直未有結婚，亦未有生小朋友。後來尹佬不幸患癌，米雪一直陪伴他身邊18年，最後尹佬不敵癌魔離世，而米雪沒有再開始下一段感情，一直單身至今。
(米雪同尹志強,東星娛樂)
沒有小朋友的米雪特別呵護姨甥，多年來都好疼錫一對姨甥，當正佢哋係親生子女咁照顧。除了爽快將自己加拿大層樓讓畀姨甥住，就算工作幾忙，米雪只要一得閒，便飛去加拿大探偉棟同Erica，又會教育姨甥做人處事嘅道理，希望佢哋懂事生性，而Erica亦非常敬重米雪：「阿姨會要求我地有禮義廉恥，待人接物都要做得好。」
（米雪同姨甥女Erica感情深厚，Erica Instagram圖片）
到後來Erica大學畢業，米雪亦好鼓勵姨甥女自信啲，支持佢參加溫哥華華裔小姐，之後Erica鼓起勇氣參選，順利贏了冠軍，就入當地電視台做主持，同時又進修演藝課程。儲夠經驗，Erica便返香港參選TVB嘅國際中華小姐，雖然最後三甲不入，但米雪知佢對娛樂圈有興趣，二話不說落足全力支持佢，不斷向電視台、電影公司推薦，經過Erica不斷努力，最後順利得到有線電視嘅招聘，於飲食節目當主持。姨媽咁好，難怪Erica除咗媽咪外，亦同樣好錫米雪！
(Erica Instagram圖片）