劉小慧近來頻頻開直播，但她每次都不單只純粹聊天，反而預備了很多生活小法寶跟大家分享，昨晚隆重其事，她率先預告會講紓緩濕疹的法寶，吸引好多粉絲和有需要人士觀看。小慧自稱「得閒修女」，好愛幫朋友解決難題，今次治療濕疹的法寶原來是「蛋黃油」，又名「卵子油」，也即是用猛火將蛋黃炒出油，當作藥油之用。小慧說：「呢個絕對唔係偏方，係我一位好勁嘅中醫師教我，我一直都無呢個問題，所以冇乜機會試，但醫師話老一輩嘅老人家都會知，只是老人家唔會上網，所以就冇咁多人講。」小慧利用「蛋黃油」讓患有濕疹的好友Carmen試用，只花5日就已經得以紓緩，Carmen形容試用的第一次，功效立即可見，即時止癢之餘，也讓原本抓破的皮膚傷口火速埋口。雖然至今濕疹未完全痊癒，但手臂位置的情況已經減輕好多，因關節位置經常屈曲，相信需花較長時間。小慧說：「平時類固醇藥膏只能夠1日2次，又唔可以連用超過一星期，但蛋黃油可以一有需要就用。」
至於蛋黃油可以點樣買到呢？小慧話根本唔需要買，因為自家提煉都好容易，她邀請到老公蘇志威「素顏」入鏡幫手煮。首先預備已經烚熟嘅雞蛋，只用蛋黃不要蛋白，蛋白就送給老公食，對健身有幫助。利用猛火在不銹鋼鑊，不用落油，直接將蛋黃下鑊，她用5隻做示範，但如果有需要的人可加至20隻，不停高溫加熱，用鑊剷擠壓，就算炒燶都無問題，透過不停循環擠壓和翻，慢慢就會炒出大堆油，待冷卻後就可入樽備用。
小慧表示這個方法又便宜又有功效，建議大家可以從手部小小地方開始試，沒有敏感反應，才在面部嘗試。而提鍊的方法簡單，最麻煩的只是炒的時候釋出比較大量油煙，一定要開抽油煙機，但為了朋友皮膚好，少少油煙並不是大問題。她更鼓勵大家試完之後將照片傳給她看，看看成果如何。
大家如果想跟住小慧學煮蛋黃油，可以睇片：
https://www.facebook.com/winnielau0724/videos/614033925673810?s=635592815&v=e&sfns=mo