最近TVB的熱播劇《鐵探》逐漸進入高潮，當中有2個童星表演都好突出，甚至被觀眾大讚無論演技、受歡迎程度都拍得住主角袁偉豪，被譽為TVB最有潛質童星，分別是飾演袁偉豪囡囡晴晴的潘姿善，與飾演姜皓文養女彤彤的黃學盈。黃學盈劇中性格堅韌又倔強，幾次出場都好催淚，其中2場與飾演越南黑幫大奸角阿喱的林敬剛做對手，演技迫到極限。多得林敬剛惡到出汁，追殺小朋友時毫不留情，出來效果才有火花。但不說不知道，身為TVB御用惡人的林敬剛原來也有脆弱的時候，試過差點被自卑感打敗，喊住問自己為什麼要入這行。做了25年茄哩啡，老婆沒有怪他放棄政府工鐵飯碗，也沒有怨言，反而支持他繼續追夢，認真賢淑，難怪林敬剛提起老婆時即流露鐵漢柔情。
御用惡人捱足25年 箍頸追殺小朋友入型入格
《鐵探》中林敬剛是營長吳廷燁的手下，負責幫他做不當交易。最新幾集他戲份大增，自從見到姜皓文養女黃學盈有他們和楊潮凱軍火交易的證據，他就頻頻出手，打算殺死黃學盈以除後患。一開始見到黃學盈，林敬剛即面露兇光，好像想把這個小女孩即場撕開一樣，嚇到黃學盈成個人震一震，又以殺父仇人身份嘲笑她已經失去爸爸。雖然姜皓文叫他不要欺負小朋友，但林敬剛劇中性格冷酷狠心，趁著黃學盈睡著時打算偷襲殺她滅口。怎料黃學盈一早預料到，從後偷襲，用防身術保護自己，惟一個黑幫加大男人的身形、他體格上佔盡上風，即刻將黃學盈一手箍住，眼神流露出要把她箍到窒息為止。此時姜皓文出手相救，林敬剛心懷怨恨，惟有趁他離開時於街上埋伏黃學盈。見到黃學盈一入後巷，並與詠莎鄧佩儀道別，林敬剛即從後出手，儘管黃學盈已經用刀仔插其大髀反抗，始於被他擊暈。由於林敬剛太入型入格，有過分投入的觀眾即上網留言對他破口大罵。
(TVB電視截圖)
(TVB電視截圖)
(TVB電視截圖)
(TVB電視截圖)
▼第20集，因林敬剛不聽從命令私下試圖殺害彤彤，而被吳廷燁要求自割一隻耳，但被姜皓文阻止，不少觀眾都讚這場戲很出色：「呢場戲簡直勁，從未見過冇對白但戲在眼神面部配合，我都以為要割耳仔，目光係晒你塊面部的戲！」、「好嘢，完全看到這場戲的拍攝手法，勁」
(TVB電視截圖)
(TVB電視截圖)
為演藝夢放棄做警察 感激老婆不離不棄
大家對於林敬剛應該很熟悉，一見到他的惡形惡相，就知道他是TVB御用飛仔、淫賊，他自言去泰國旅行都有人認得，不過其實他25年的茄哩啡生涯一路走來毫不容易。未入行之前，林敬剛畢業於警察少年訓練學校，本來有薪高糧準的政府工鐵飯碗，但他夢想是做演員，所以毅然放棄做警察，於1995年決心入TVB。林敬剛好好彩，獲李修賢睇中拍電影，於他旗下的「萬能影業公司」當演員及副導演。及後於1995年，林敬剛於《O記實錄》飾演葉輝一角開始嶄露頭角，在1999年《狀王宋世傑（貳）》飾演忠厚老實最後受人利用被總兵蓄意殺降的楊初九，其後還有演出《智勇新警界》中得過且過的刑警余志勇（蛇王）。可見他初出道多演出忠厚老實的笨蛋或普通混日子的上班族。不過當時是林敬剛最難捱的日子，試過不夠show，又試過角色沒有發揮，曾經失眠、傷心到喊，他說：「唔係要有人睇到先做，做好自己本份先。Hea做就會被淘汰，但我仲想有機會，係咪要做主角？唔係！有就當然最好啦，但我想要有發揮嘅戲，畀一場戲我一定會捉緊嚟演。」直至2012年，林敬剛和阮民安以100萬港元，投資鄭氏娛樂製作公司。早前《十兄弟》、《果欄中的江湖大嫂》及《翻生武林》表現都幾突出，至少有被網民提及的機會，對林敬剛來說已很感恩。
(TVB電視截圖)
一個熱愛演戲的人要做茄哩啡，不是人人接受到，林敬剛曾經好迷茫，覺得自己很無用，但他的老婆不離不棄，令他很感動：「老婆好重要，佢係我唯一傾訴對象。」2005年二人拉埋天窗，一 班 圈 中 好 友 都 有 出 席 ， 包 括 馬 德 鐘 、 吳 卓 羲 、 袁 彩 雲 、 黃 日 華 和 林 雅 詩 夫 婦 等。林敬剛當年亦自言娶到老婆感到很開心，並說：「雖然好多人隊我酒，但我無飲醉酒，因為班兄弟好似林家棟同李思捷不停幫我頂，搞到我好感動，仲有華哥（黃日華）上台講同老婆華女（梁潔華）夫妻之道，一樣好感動，最難得馬德鐘同吳卓羲都係咁飲，馬德鐘仲要今日趕返去開工，絕對係好兄弟。」，看得出林敬剛是一個痛錫老婆、勤力的人，希望他往後有更多演出機會吧！