《鐵探》惠英紅演技爆發 嚇親觀眾 單身22年 氣場太勁冇男人敢埋身

TVB重頭劇《鐵探》開播以嚟，劇情一直都係圍繞住袁偉豪。不過，自從袁偉豪喺第5集中槍後，劇情焦點開始轉移到警隊權力鬥爭上。當中飾演總警司嘅惠英紅，為咗上位同幫大仔洪永城報仇，不惜一切，為求目的不擇手段。昨晚一集講到惠英紅發現梁競徽與洪永城嘅死有關係，為咗查出真相，惠英紅喺口供房盤問梁競徽，兩人互相爭論，惠英紅一手將梁競徽推倒，並怒摑佢三巴，非常兇狠，連網民都大讚惠英紅心狠手辣。

{{hket:inline-image name="1233.jpg"}}{{/hket:inline-image}}

（TVB電視截圖）

{{hket:inline-image name="1112.jpg"}}{{/hket:inline-image}}

（TVB電視截圖）

而另一幕惠英紅同黃智賢對罵，亦勁有火花。袁偉豪同梁競徽去咗內部調查課舉報惠英紅，飾演總警司嘅黃智賢終於出場。兩人喺會議室鬧得相當激烈，其中一段更疊聲互罵，睇到觀眾非常緊張。唔少網民睇完依集，都紛紛大讚惠英紅超好戲，唔單止有氣場，眼神仲非常凌厲，真係畀佢嚇親。仲有網民表示睇到入晒戲，覺得惠英紅好乞人憎。三屆金像影后果然並非浪得虛名！

{{hket:inline-image name="111222222.jpg"}}{{/hket:inline-image}}

{{hket:inline-image name="321.jpg"}}{{/hket:inline-image}}

（TVB電視截圖）

相隔10年，惠英紅再次為TVB拍攝劇集，開播前其實都曾經擔心過收視。不過後來見到觀眾嘅反應非常熱烈，仲大讚佢做得出色，佢都好開心。佢表示自己一直都好想拍劇，難得今次遇到好劇本，所以好快就應承接拍。佢仲話好鍾意「萬晞華」呢個角色，野心大，做事不擇手段，好有發揮空間。

{{hket:inline-image name="23232323232323232323.jpg"}}{{/hket:inline-image}}

（TVB電視截圖）

而喺現實生活中，惠英紅畀人嘅感覺同「萬晞華」一樣強勢，對於59歲仍然單身嘅佢嚟講，原來都有啲影響。惠英紅指，曾經有人介紹過異性畀佢認識，當時覺得對方唔錯，但對方一直未有進一步表示，後來發現原來對方覺得自己太強勢，氣場太勁，所以就冇晒下文。