最近TVB電視劇經常見到盧宛茵嘅蹤影，先係8點鐘處境喜劇《愛回家之開心速遞》演岀「Mean爆」崔Auntie，再到9點半《鐵探》飾患腦退化症嘅母親，甚至深宵時候嘅《卡拉屋企》佢都有份演岀。慈母、嘴賤Auntie同腦退化病母，盧宛茵將呢三個角色都做得非常好。
（TVB電視截圖）
特別係《鐵探》昨晚那集，患有腦退化症嘅盧宛茵飾到監獄探望兒子姜皓文，可惜她病情愈發嚴重，一開始卻認不岀兒子，仲不斷喃喃自語：「我個仔點解仲未嚟嘅？我嚟探佢㗎，我諗住帶叉燒蛋飯，最衰門口個人，唔畀我帶入嚟。」睇見媽媽咁樣，姜皓文勁心痛，眼泛淚光，喊住咁講：「媽，你唔認得我啦？我係秉高啊！」喺阿仔嘅不斷提醒後，盧宛茵終於記返起姜皓文，之後佢都忍唔住爆喊。二人隔著玻璃嘅對話勁催淚，更有唔少觀眾稱睇到呢幕很心酸，邊睇邊眼濕濕，又大讚盧宛茵演技大爆發。
（TVB電視截圖）
（TVB電視截圖）
（TVB電視截圖）
其實盧宛茵入行多年，擁有超好嘅演技，絕對稱得上實力派。佢係TVB「御用媽打」，演活各種母親角色，不論係野蠻奶奶、毒舌師奶定慈母，佢都可以完美駕馭，一齊細數吓佢演過嘅經典角色！
《卡拉屋企》廖仲好
盧宛茵演「白頭佬」楚原嘅太太「肥媽」廖仲好。佢哋育有三名子女，包括大女黃蒂（李婉華飾）、二女黃菲（黎海珊飾）同三弟黃發（鄭敬基飾）。
（TVB電視截圖）
《戇夫成龍》米珠蓮（阿旺養母）
盧宛茵飾演曾憶子成狂嘅母親，20年前已知丁常旺(郭晉安)非親生子，仍願當佢係親生仔咁養育。
（TVB電視截圖）
《女王辦公室》雷師奶
盧宛茵於劇中飾演貪小便宜嘅屋邨師奶，不時同街坊發生爭執。
（TVB電視截圖）
《BB來了》刻薄奶奶
盧宛茵劇中那副尖酸刻薄嘅嘴臉，同李佳芯呢個新抱經常上演「婆媳大戰」，二人唇槍舌劍、火花四濺，網民大讚佢係惡外母同惡奶奶嘅代表，Mean爆演出深入民心。盧宛茵仲憑呢個角色獲得《萬千星輝頒獎典禮2018》「專業演員大獎」，絕對係對佢演技嘅肯定！
（TVB電視截圖）
潮文短片《公屋·居屋·私樓》外母
由於惡奶奶形象太深入民心，2014年盧宛茵更獲邀演出潮文短片《公屋·居屋·私樓》， 憑勢利現實嘅外母一角再次引起熱話，搞到往後無數準女婿，都擔心有樓先有雞脾食。
（TVB電視截圖）