林峯相隔5年之後返「娘家」無綫，佢透露因為同無綫高層商量過之後，有全新嘅「Project」，其中之一就係開拍《使徒行者3》兼同星夢娛樂合作演唱主題曲。
無綫副總經理杜之克就指為咗林峯今次回巢，同製作團隊為佢度身訂造咗好多嘢：「我哋就搵咗個Project好啱佢，同佢傾咗一次故仔，佢真係覺得係好好時機去做。」星夢娛樂行政總裁何哲圖覺得林峯把聲好適合演繹電視劇主題曲，而主題曲滲透力好強，可以去到全亞洲，幫到阿峯嘅事業再創高峯。
實行歌視雙管齊下，力谷林峯！
（左起：無綫高層杜之克、林峯、星夢娛樂行政總裁何哲圖）
Chok爆回歸！
林峯今次回巢原來早有伏線：「離開TVB見識呢幾年都有舊同事，台前幕後啲以前合作過嘅人，Keep住問我幾時返嚟，我都真係好期待，真係睇時機囉，今年機緣巧合下，杜生（杜之克）搵我，有啲Project係有興趣。」林峯指自己返娘家係收合理嘅「友情價」、「回歸價」 ，話成件事係開心，同埋好掛住所有同事咁話！
{{hket:inline-image name="006DnfuMgy1fywv5asux7j30qo0zi7c1.jpg"}}{{/hket:inline-image}}
《使徒行者》當年大獲好評。
阿佘早前都有講過話好掛住香港嘅劇迷，會唔會世紀合體？
馬國明喺《使徒行者２》嘅最後一幕出現，如果《使徒行者3》都有佢嘅話，呢個黃金組合真係好吸引呀!
楊怡都對林峯回巢都表示興奮：「如果成班訓練班同學一齊拍，就仲開心，因為咁耐以嚟，都未試過齊人拍劇，如果劇本啱，梗係想合作啦，好期待添呀！」
好多Fans都想睇到呢對經典CP合體。（《大唐雙龍傳》截圖）
「第13期訓練班」嘅同學成日都Gathering，會唔會有機會合作呢？
{{hket:inline-image name="006DnfuMgy1fzbyt1a5bkj32ds1sgnpd.jpg"}}{{/hket:inline-image}}
好多個都仲喺娛樂圈打滾！