吳博君坐輪椅公開現身 「漸凍人症」致癱瘓獲華仔出錢解困

患有「漸凍人症」嘅前TVB藝人吳博君，昨晚乘坐電動輪椅出席「藝進情濃30載」晚宴。佢形容目前病況「麻麻哋」，肌肉慢慢流失，手腳無力，行動不太方便：「依家keep住睇醫生同覆診。」另外，佢又指醫療開支負擔大，每月花費接近一萬元，坦言擔心經濟問題，唔知可以捱到幾耐。

{{hket:inline-image name="8.jpeg"}}{{/hket:inline-image}}

{{hket:inline-image name="0.jpeg"}}{{/hket:inline-image}}

現年61歲嘅吳博君，喺70年代加入TVB，默默耕耘19年，多演壞人、店小二或鹹濕佬角色。97年受金融風暴影響被TVB裁走。當時40歲嘅佢被迫轉行，曾做過紙紮舖、麵包師傅及寫字樓清潔。上年，吳博君忽然四肢無力癱瘓入院，證實患上罕有嘅運動神經細胞疾病（漸凍人症），最嚴重時更要喺床上解決大小二便。吳博君指，最初手震，以為係柏金遜，後來手腳愈嚟愈冇力，落唔到床，好似癱咗咁。入院後，醫生指漸凍症全世界冇藥醫，令佢覺得非常絕望：「喺張床度郁唔到，但頭腦仲係好清醒，咁先至最痛苦，直情好似等死咁！我仲諗過，不如死咗去好過。」

{{hket:inline-image name="TVB20180601_0003_1024.jpeg"}}{{/hket:inline-image}}

（電視截圖）

患病後，太太停工照顧吳博君，不過由於吳太本身一隻手有小兒麻痺，加上一個人能力有限，所以吳博君須入住護老院。吳博君指：「喺入面，每朝聽到隔籬床嘅老人家嗌交，負能量好大。」除咗情緒，金錢亦係另一大困擾。吳博君指每月醫療開支接近萬元，令佢經濟陷入困境。喺迫不得已下，佢決定向演藝人協會求助。唔少藝人得知後，義不容辭提供經濟協助。吳博君指：除咗演藝人協會，藝進同學會都有唔少藝人捐錢畀我，劉德華都有捐，甚至連素不相識嘅薛凱琪都有份。另外，喺吳博君住院期間，亦有不少藝人朋友前來探訪，如黎耀祥、麥長青、魯振順、艾威及湯鎮業等，令吳博君深覺人間有情。

{{hket:inline-image name="5.jpeg"}}{{/hket:inline-image}}

(吳博君提供)

{{hket:inline-image name="4.jpeg"}}{{/hket:inline-image}}

(吳博君提供)

{{hket:inline-image name="6.jpeg"}}{{/hket:inline-image}}

(吳博君提供)

{{hket:inline-image name="TUNGSTAR5822303.jpg"}}{{/hket:inline-image}}

(Tungstar)