幸福媽咪單文柔喜陀B女 陳展鵬3個舉動獲封「絕世好男人」

陳展鵬「煎pan」同單文柔去年拉埋天窗，婚後無耐就宣布有喜，成為「1+1+1」嘅幸福家庭。單文柔陀B之後較少公開露面，專心養胎，最近陀穩咗BB，佢就大搞Baby shower，唔少圈中好朋友都有岀席。陳展鵬同單文柔喺Baby Shower上終於願意公布BB性別：「It’s a girl！」原來BB是一個女孩子，亦睇得岀佢哋好高興！

{{hket:inline-image name="ffffx.jpg"}}{{/hket:inline-image}}

(單文柔IG圖片)

自太太懷孕後，陳展鵬事事以佢為先，一得閒就陪伴左右。今次老婆單文柔搞Baby shower，陳展鵬就算前一晚通宵拍完戲，無論身體幾累，都即刻趕番嚟，為嘅就係想同太太分享每一個懷孕嘅精彩瞬間，搞到單文柔都好感動！其實陳展鵬自太太懷孕後做過唔少貼心舉動，稱佢做「絕世好爸」同「絕世好男人」都唔過份呀！

{{hket:inline-image name="cdxx.jpg"}}{{/hket:inline-image}}

(單文柔IG圖片)

願意陪老婆齊齊戒口

{{hket:inline-image name="dddk.jpg"}}{{/hket:inline-image}}

(陳展鵬IG圖片)

準媽媽陀BB飲食口味會同之前完全唔同，有啲媽咪更加食咩都食唔落，不斷孕吐，嗰種辛酸應該得曾經懷孕嘅女士先明白。懷孕時期有好多食物唔食得，單文柔同大多數女生一樣喜愛食甜品，但孕婦忌吃太甜，唯有戒口，而生冷食物、麻辣火鍋都最好少食，好男人陳展鵬一於齊齊同老婆戒甜戒辣，老婆唔食得嘅，自己都唔食！

一早練習點樣照顧BB

{{hket:inline-image name="ggg.jpg"}}{{/hket:inline-image}}

(陳展鵬IG圖片)

懷孕生子係非常辛苦嘅時期，如果老公願意積極參與，絕對加分不少，而陳展鵬喺老婆懷孕時已經練習定點樣照顧BB。早前佢上載一張上育嬰班嘅相片喺IG，佢一隻手拎住尿片，另一隻手托起BB雙腳，親自幫道具BB換尿片，又留言講：「豬爸爸豬媽媽Are you Ready？I am Ready」而且陳展鵬一早安排好晒營養師、產前產後配套同陪月，亦準備好陪單文柔入產房。一切細心舉動，都係希望太太可以安心生BB，呢個老公真係唔話得！

事事以老婆為先

{{hket:inline-image name="fff.jpg"}}{{/hket:inline-image}}

(單文柔IG圖片)

就算屋企快要迎接新生命，陳展鵬都無偏心BB，一樣視老婆單文柔係生命中最重要嘅女人。早前先喺社交媒體放閃，甜蜜示愛老婆：「身份多了，但也不能忘本。我也是她的終身情人」真係Sweet到爆，難怪網民亦留言讚佢係「顧家男」、「好男人No.1」。