貴婦狗被棄屯門竟 一家團聚！毛守靠晶片尋回6年前走失原主人

於上星期六，屯門狗公園又有一貴婦狗被棄，毛孩守護者(毛守)到場處理，發現狗狗有晶片，聯絡後竟找到牠的原主人。原來「北北」在六年前大埔原主人的家走失，主人許太一直都掛心北北，可惜六年來毫無音訊，本以為北北變成流浪狗後已離世，許太受訪時激動地說「好多謝毛守呀Kent，冇諗過六年後可以一家團聚！」

{{hket:inline-image name="0304north1.jpg"}}{{/hket:inline-image}}

▲北北這次被救的可愛樣子。

事發於星期六下午，屯門狗公園有一中年男子棄狗，好心人見狀即救起狗狗並聯絡毛守，毛守Kent到場後檢查狗狗晶片，聯絡到原主人許太，當時許太興奮不已，現時已接回北北。許太指「北北喺6年前唔見咗嘅，喺大埔屋企自己開咗道門走咗出去，嗰陣時搵咗好耐都搵唔到，好彩佢有打晶片所以可以報失。咁多年嚟我哋一直好掛住北北，直到星期六收到毛孩守護者通知話有人遺棄北北系屯門，好多謝佢通知我接返北北！」事隔六年的重逢，竟由棄養促成，雖然可笑但亦算是大團圓結局。

{{hket:inline-image name="0304north2.jpg"}}{{/hket:inline-image}}

▲六年前失蹤前的照片。

現時已11歲的北北，當晚許太已帶北北檢查，發現年長的北北現有心臟病3-4級、肝、膽都有細菌感染，「唔知佢失蹤呢6年點過! 心痛佢而家有心臟病, 醫生仲話唔好比佢激動，怕心臟隨時頂唔順！」許太更指重遇時一叫「北北」，狗狗就十分興奮，相信北北也一直沒有忘記他們，雖然北北已不及以往可愛，但也十分感動可以重聚。

{{hket:inline-image name="0304north3.jpg"}}{{/hket:inline-image}}

▲現已11歲的北北。

這次的大團圓，全靠主人當初有登記晶片，而恰好多年來也沒有更改聯絡電話，才能促成美事。毛守Kent指，大部分主人也沒有以個人名義為狗隻登記晶片，因為怕「出咗事搵到自己」，「我哋執到啲棄狗，超過七成也沒有登記晶片，可惜法例的漏洞，讓那些不良主人未能受到刑責。」這次的事件，Kent亦想借此提醒各位主人，一定要以個人名義為狗隻登記晶片，萬一有意外亦可報失，增加尋回狗隻的機會。