新聞主播裡面方東昇是一個很傳奇的人物，由主持《世界零距離》起就發現他不僅博學多才，內心更加潛藏幽默的魅力，成功將資訊性節目用各種食字押韻金句講得好好笑，毫無悶場，引來很多年輕網民追看，所以TVB都非常器重他。繼上次《長命百二歲》到亞洲取經，感受長者生活之後，TVB再度添食開第2輯《長命百二歲II》，甚至加碼播足30分鐘。今次方東昇去到歐洲，第一站先到養老體系和長期護理水平被譽為全歐洲第一的荷蘭，參觀當地為老人而設的措施。由於當地的設備完善、設計新穎，方東昇忍不住喪爆金句，搞到成班歡眾好開心，紛紛大讚他的表現：「好多綜合節目冇呢套做得咁好，方東昇嘅演技搞笑， 無可代替」、「方先生何時有空搞楝篤笑？我永遠俾佢殺個措手不及，啲gag位估佢唔到」等。以下就數出方東昇狂新節目第一集最搞笑十大金句，讓你們學習下吧。
昇爺搞笑背後大起底 原來是才子兼孝順仔
全球老化問題嚴重，每個人都會有機會變成長者，所以男女老幼都當學習，不能逃避。這些金句看似淺白，但方東昇特意在短短幾粒字中滲透不同社會問題，睇完反而會默默流淚，其實老並不可怕，可怕是個社會如何對待老人家，好有智慧、富有教育意義。幸而方東昇突如其來幾個風趣鬼馬的旁白為無奈的人生帶來一點緩和。其實冷面笑匠比灰階小丑更高層次，方東昇每次都是一臉認真地講笑，反差大令人更加喜歡他，甚至被譽為「昇爺」、「一代笑匠」。結果令一個新聞資訊性節目贏到TVB放在黃金時段播放，贏盡口碑。
講起現年42歲的方東昇，背景一點也不惹少，中學讀傳統名學拔萃男書院，大學就讀中文大學新聞傳播學系，最後以GPA 4.0滿分，一級榮譽畢業，更獲得新亞書院獎學金最高榮譽誠明獎，有「中大才子」之稱。自1998年暑假加入TVB新聞部任職實習記者後，繼續留任做港聞記者，如今已是無綫電視新聞部副採訪主任，服務21年。同業都大讚他做事認真：「佢寫稿一定會諗，唔係就咁搬字過紙」、「我聽聞佢孭住嘅書包，裏邊有部打印機，方便隨時印出資料備用。」，咁有心，抵方東昇紅嘅！除咗學識高之外，方東昇都好孝順，2000年就同媽媽聯名買樓，以268萬買入青衣海欣花園一個單位，婚後堅持同媽媽一齊住，是個乖乖仔。
(TVB電視截圖)
方東昇喪爆十大搞笑金句 教觀眾反思社會問題
1. 方東昇與老人家打網球打到不停喘氣，不禁講一句：「世界上最大嘅空間，就係進步空間。」，揚言現在開始練習，到他們那個年紀必定會打得比他們好。
(TVB電視截圖)
2. 去到見到荷蘭風車，另一位女主持黃曉瑩問：「點解咁大風，啲風車都係郁都唔郁？」，方東昇就答：「再鋒利嘅刀都有生鏽嘅一日；再犀利嘅風車都有停落嚟嘅一日！」。
(TVB電視截圖)
3. 荷蘭的老人政策非常體貼，打造全球第一條失智村，模擬普通小鎮，協助患者過正常生活。除此之外還有失智農場，負責人相信：「寬闊嘅農場，點都好過4幅牆！」，鼓勵讓患者外出活動。
(TVB電視截圖)
4. 相反香港就永遠跟不上，因為「失智事小，失蹤事大」。
(TVB電視截圖)
5. 去到癮君子老人院和各式的長者屋，見到患者為自己煮飯，方東昇不禁講咗句：「呢度菜未必有菜味，魚未必有魚味，但佢嘅服務一定有人情味。」
(TVB電視截圖)
6. 之後介紹一間老人酒店，當地職員相信老人家可以自行工作，不需要幫手：「翹埋雙手，其實已經係幫手！」。直到方東昇參觀荷蘭電視台做遊戲節目嘉賓，被主持笑他沒有回答問題，他又再重覆此金句，另外兩位女主拎即刻冇眼睇！
(TVB電視截圖)
7. 不過最特別是老人節目沒有老人家出現，方東昇就解釋原來他們超喜歡睇年輕人：「老人家多睇年輕人，內心都年輕過人」。
(TVB電視截圖)
8. 荷蘭電視台想加入中國市場，考慮改新名，方東昇就話既然想為天下老人家送上祝福，不如改做「祝英台」，仲用TVB三色LOGO。
(TVB電視截圖)
9. 年過60歲的老人家煮飯有一定水平，荷蘭有個熱血青年創阿嫲廚房，希望老人家聚在一起：「長者一齊煮飯仔，全因一名後生仔」。
(TVB電視截圖)
10. 最後去到一間博物館，原來是幫助認知障礙患者希望喚起他們的回憶：「世界零距離，但年齡有距離」。
(TVB電視截圖)