【日本大熱】椰菜切碎扮白飯 夠飽唔肥女士熱捧

不少女士為洞肥都會戒澱粉，視米飯為「致肥元兇」，故日本有食品公司近期推出一款「椰菜飯」，將具飽肚感的椰菜切碎成飯粒大小，口感理想之餘卡路里及糖分又遠低於米飯，旋即成為日本減肥一族至愛！

{{hket:inline-image name="pJyWnZ2akaCYrqU.jpg"}}{{/hket:inline-image}}

卡路里只得白飯8分1

主力銷售獨立包裝沙律的日本公司「Salad Club」去年10月首度推出「椰菜販」（キャベツライス），將椰菜芯切碎成飯粒大小，標榜擁有米飯口感與飽肚感，但卡路里與糖分只有等量白飯的8分之1及16分之1，最適合愛吃飯但又怕長胖的減肥人士。

除原味椰菜飯之外，該公司亦推出附咖喱口味的「咖喱椰菜飯」，淋上內咖喱汁後，可以直接以微波爐加熱食用。據資料指，椰菜並無米飯的黏性，水份亦較少，因此特別適合用來製作炒飯或蛋包飯，比真正飯粒更乾身爽口。

有日本網民試食讚不絕口，有人留言稱：「同時有白飯口感同蔬菜鮮味」、「食過就唔想再食白飯」、「KEEP住食，真係輕咗」，深受一眾減肥女士喜愛，故去日本旅行的朋友不妨試試。

椰菜飯
參考零售價：100日圓（約7元港幣）

咖喱椰菜飯
參考零售價：276日圓（約19.5元港幣）

{{hket:inline-image name="444.jpg"}}{{/hket:inline-image}}

{{hket:inline-image name="img_cabbagerice_cheese_omelette.jpg"}}{{/hket:inline-image}}

{{hket:inline-image name="img_cabbage_rice_fried_rice.jpg"}}{{/hket:inline-image}}