荒謬！夜晚食薑 等於食砒霜？

前排有人搵我寫吓嘢，想叫我Share吓啲心得喎！難得可以賺吓私己錢，又可以將自己嘅智慧教吓大家，我梗係唔會托手踭啦💸！！

講返正題先，前幾日我去接強仔放學聽到班家長喺度討論「晚上食薑 如食砒霜」，話夜晚陰氣重，唔好補陽喎！聽完真係嚇到我個心離一離呀！

最近天氣咁凍，我晚晚飲杯薑茶先瞓，而家話我知我晚晚食砒霜？傻咗咩！都唔知佢地班人喺邊度聽返嚟㗎！我呢啲咁醒嘅梗係即刻搵老友問吓係咪真啦！

我個中醫朋友話我知，根本冇啲咁嘅事，仲叫我可以放心食，唔會中毒咁話。咪就係！係人都知薑好嘢嚟架嘛！平時蒸魚我都照加薑，咪又係食到啲仔女肥肥白白。你哋唔自己分析吓，應該好似我咁得閒睇多啲書，活到老學到老嘛！講真，我老公強哥咁愛我都係因為我有眼光喳！(你見我揀強哥做老公就知啦) 

嗱！咪話我唔教精你丫😏，多啲留意吓我個page，一定學到好多嘢㗎💡

(嗚謝 中大中西醫結合醫學研究所客座副教授林冠傑 提供資料)