現年36歲的黃智雯Mandy除咗擁有出色的演技，舞蹈天份也相當高。早前她勇闖韓國為TVB拍攝真人騷《一個因去跳舞》，先到娛樂公司報名做練習生，再挑戰做女團出道。雖然表面上有機會體驗女團生活很開心，不過過程非常辛苦，每日先要進行12小時拍攝工作，拍完仲要地獄式特訓，搞到Mandy中流感入院，咳到肺都甩兼失聲，最後僅打一支針就要繼續開工。唔少網民炮轟TVB太刻薄，認真慘情！其實Mandy入行12年一直搏到盡，雖然演技實力、熱誠有目共睹，可惜TVB未有重用，就算《三個女人一個因》贏盡民意仍只得星馬視后，被人質疑是豬肉獎。
港姐出道捱足12年 由一線花旦變炮灰女王
2004年Mandy於香港演藝學院畢業，是舞蹈及戲劇系出身，後來她參加2007年香港小姐競選，且入圍最後五強。雖然落選港姐，不過Mandy好明顯志在參與，所以翌年即修讀第22期無綫藝員訓練班加入TVB，正式開展演藝生涯。頭2年Mandy大多出演茄哩啡， 如記者、鄰居、秘書等不起眼的角色。直至2009及2010年，Mandy在《巴不得爸爸》、《搜下留情》中均以眼鏡妹造型突圍而出，怕事斯文樣被傳媒及網民封為「宅男女神」，終在觀眾心中留下印象。去到2012年，黃智雯一改戲路，大多飾演女強人角色，先在《缺宅男女》演活巴辣人妻關二嫂成功入屋，最後奪得2012年飛躍進步女藝員及入圍最佳女配角，開始成為TVB力捧對象。其後戲份愈來愈重，無論在《On Call 36小時》飾演女主角楊怡妹妹洪美雪，《飛虎》的蘇文強、《律政強人》中正亦邪的律師方寧，Mandy都將每一個性格迥然不同的角色發揮得好好，終在2016年榮獲最喜愛TVB電視角色。
(TVB電視截圖)
(TVB電視截圖)
(TVB電視截圖)
(TVB電視截圖)
(TVB電視截圖)
儘管Mandy默默耕耘演好每個角色，漸得觀眾認同，但就在她晉升一線花旦之際，TVB開始把她的劇集放置於星期日炮灰時段播出，上位機會愈來愈少。例如《雜警奇兵》明明行輕鬆惹笑風，惟黃智雯的角色發揮只屬一般。可幸Mandy沒有放棄，於《三個女人一個因》飾演有三重人格的方以因，人格不停更換，演技超群，實力派演員功架盡見於此。就算播完半年，網民依然激烈討論，令TVB不得不在MyTV SUPER上載20集足本版。雖然劇集於年頭播放，但由於Mandy完美演繹正經的主人格、狂野的第二人格、憂鬱的第三人格，深受觀眾歡迎，Mandy成功奪得2018年雙料視后。本來以為靠她的民意和實力可以再下一城得TVB視后，惟最後大熱倒灶失獎，不少網民為她抱不平，認為TVB有心唔捧：「之前最重用佢嘅監製潘嘉德退休，所以被邊緣化，好慘」、「智雯好戲大家都知，但呢幾年TVB好明顯有心想閒置佢！」
(TVB電視截圖)
(TVB電視截圖)
(TVB電視截圖)
(TVB電視截圖)
為拍嘢中流感咳到甩肺 打一針就要即開工
雖然如此，Mandy永不言敗，她很重視TVB給予的每個角色：「我知粉絲Down過我，失落過我，但有佢哋支持同愛填補咗。你視佢為一份工作就覺得好辛苦，但若然喜歡咗，咁幾辛苦都會想繼續做！」
今次被TVB安排冬天去韓國15日受訓做女團，對Mandy來說簡直是苦不堪言。Mandy做事一向搏到盡，為表誠意，她專誠自學韓語，並自拍跳舞MV，盼望打動娛樂公司。因為每天連續拍攝12小時，拍完還要回去娛樂公司進行地獄式特訓，行程緊密欠缺休息，結果去到第6、7日Mandy身體就支持不住，發燒入院，仲咳到失聲，最終確診流感。Mandy都話好辛苦：「人生第一次喺外地睇醫生，打咗支針，喺民宿自我隔離休息咗一日，之後就要繼續開工。過程係意想不到咁艱辛，尤其係寒風刺骨嘅時候，排舞排到極沮喪嘅時候，咳到肺都快甩嘅時候...由早操到晚，學跳舞、學唱歌、上堂教擺甫士，夜晚仲要排舞，每日行程都好Full，所以返去酒店都好攰。每日祈求快點俾我返屋企張床，但返到香港，每次同朋友傾偈都會bi Li ba la迫人聽我分享韓國女團的血淚史，我諗...呢次experience我會記一世。」其實睇完真係覺得Mandy好有演員專業態度，希望TVB多點重用她，讓大家有更多機會欣賞更多她的作品吧！
(TVB電視截圖)
(TVB電視截圖)
(TVB電視截圖)
{{hket:inline-image name="24.jpg"}}{{/hket:inline-image}}
(instagram截圖)