《全民造星》12人男團改名Mirror 姜濤領軍勇闖樂壇

{{hket:inline-image name="fsfs.jpeg"}}{{/hket:inline-image}}

自從ViuTV開台以來，不時為大家炮製驚喜，雖然未算成功打破TVB一台獨大局面，但總算為娛樂圈帶來一番新氣象，如早前的《全民造星》就成功捧出不少小鮮肉，而正所謂肥水不流別人田，ViuTV更事先張揚以十強班底，打造男團進軍樂壇，但由於十強中的龍志權、細貓和Jeremy因各種原因未能歸隊，據消息指，有關方面經多方考慮後，決定加入Anson Lo、小評、阿Dee、阿臣與Frankie五人，組成12人男團，改名Mirror，寓意他們就好像大家的一面鏡子，只要肯努力就能達成夢想，果真有意思，而他們將於星期六舉行記者會正式出道，更有指會於下月21日舉行處男演唱會。

雖然Mirror足足有12位小鮮肉，不過數到風頭最勁的定非姜濤莫屬，之前已有傳環球、太陽娛樂與HMV爭相簽他做歌手，不過最終姜濤情定ViuTV，選擇繼續合作，而最近他跟《全民造星》多位學員一齊出騷，獲大批粉絲包圍，加上各大社交網站已出現多個姜濤歌迷會，仲誇張到連澳門後援會都有，難怪由姜濤領軍的Mirror，獲得不少網民看好：「香港好少男團，對上一個叫成功嘅可能已經係草蜢，希望佢哋可以為樂壇加入新動力。」「姜濤唱同跳都得，加上個樣又夠萌，爆紅唔難，只係驚佢紅得太快，飛起班兄弟單飛咋。」到底Mirror能否為近年一潭死水的樂壇帶來驚喜？大家就要拭目以待喇！