似曾相識的股王

正所謂唔怕你黐，唔怕你呆，最怕你唔來。究竟係升到你唔信，抑或千到你唔信？

本來只是「升」與「千」一棟之差，到吸引到你眼球、觸動到你神經、牽動到你情緒，真心相信只會買貴、不會買錯，不要「騰」、只要「信」，實行非真金白銀飛撲進場不可，當人同此心、化成集體念力之際，往往就會出現驚嚇度十分高的反高潮場面。

今天發生在騰訊（00700）身上的場面，何其似曾相識，十年人事幾番新，回想起來，當年10月昂首闊步衝上153.5元的滙豐控股（00005），帶領恒指直衝31958點，締造歷史時刻。

大踏步神情確威武，一代股王，所謂好景不常，當年所見。滙豐的股價自從見過該歷史高位後不足一個月，自此從未再高於140元，一年後的同一個月，更正式跌穿100元整數關，除了2011年2月最高見過91.9元之外，即使兩年前的港股大時代，最高亦只曾見過78.25元。

當然，即使你是以歷史最高位入市，只要你有持貨力，扣除過去10年所收股息，除淨後每股成本已降至108元左右，感覺沒那麼糟糕之餘，還附送一個買貴即是買錯的教訓。

（本欄逢周一、三、五刊登）