做善事，支持月餅轉贈計劃

年年中秋節都有唔少客戶送月餅、果籃來公司，Rachael知道聖雅各福群會有個月餅轉贈計劃，將收集嘅月餅送畀基層人士，幫到人又唔會浪費食物，下個月就到中秋，大家不妨也來「借花敬佛」啦。

Rachael一向支持環保，又鍾意做善事。之前有環保團體做過調查，話香港人每日棄置不少食物，數以十噸計的食物被當垃圾丟掉，既浪費又污染環境。好彩經傳媒報道後，陸續有非牟利團體同私營機構採取回收行動。

好似聖雅各福群會眾膳坊食物銀行，2004年開始，每年都會舉辦月餅轉贈計劃，鼓勵市民捐出過剩的月餅，轉贈畀有需要人士，例如貧困家庭的兒童或者獨居長者，一來可以減少浪費，二來亦可惠及社群，認真一舉兩得。

雖然下月底至係中秋節，但聖雅各福群會在8月27日至9月27日就會收集月餅，捐贈30盒以上，在9月14日前眾善坊更會派人上門收集。如果想將月餅親自交去聖雅各福群會，亦可送到以下三個地點：

a）香港西營盤西安里10號福祥閣地下1-3號西安中心

b）香港灣仔石水渠街85號聖雅各福群會一樓接待處或901室

c）九龍石硤尾大坑西邨民興樓地下1-3號慈惠軒

其實大部分香港人都唔憂柴唔憂米，可以舉手之勞咁幫人，人人都做得到。聖雅各福群會仲有個施善熱綫：2975 8777，想了解多些眾膳坊嘅運作，亦可瀏覽http://foodbank.sjs.org.hk。