Xanga七月籌唔夠錢就要執？

對於八、九十後，Xanga可以話陪住佢哋成長。喺未有Facebook、微博，好多人仲摸索緊點利用網絡去表達自己時，Xanga成為好多人表達自己、同人交流嘅平台。

當年好多年輕人都會將生活點滴放晒上Xanga，好似Xanga就係生活一部分，可惜後來其他社交網路平台興起，Xanga漸漸被人遺忘，雖然間唔中都仲會有傳媒提到Xanga，不過通常都係挖番某某明星喺年輕時嘅網上戲言之後大造文章。

喺經過咗十五個年頭嘅興衰，Xanga宣布如果喺七月中之前佢哋都籌唔到六萬美元的話，佢地就會被迫停止營運Xanga。好多網民見到呢個消息都覺得好可惜，幸好消息一傳出，好多網民都即時捐款，「Relaunch Xanga」至今已經籌到近兩萬美元。

搜尋關鍵字：Relaunch Xanga