簡淑兒 情迷演藝世界

無綫劇《迷》進入結局周，除了田蕊妮的「成魔之路」成為焦點，飾演其囡囡的簡淑兒（Jessica）雖然不幸身亡，但亦成功憑「學生妹」角色彈出。今次表現備受肯定，Jessica感激「媽媽」阿田幫助，同時期望增值演技，為歌影視三棲發展打好根基。

Jessica在《迷》飾演自私反叛的Chloe，與阿田的一場互摑戲更是令人心痛。Jessica表示這是她拍攝的第一場，開拍前非常緊張，幸好得到視后教路︰「佢教我要將本來嘅情感誇張十倍，因為如果我做唔到咁衰，佢亦做唔到慈母。」她又大讚阿田專業︰「佢有好多微細嘅表情變化，連眼睫毛都做緊戲，所以我好感激佢，啟發我要做得更好，佢都有讚我做得唔錯。」言語間，完全感受到她對這位「媽媽」的仰慕。

參考妹妹演刁蠻女

演繹「反叛少女」如斯傳神，Jessica大爆是參考以前反叛期的妹妹︰「當時佢講兩句就發脾氣，一鬧人就大聲十倍，語氣好倔又尖酸刻薄。（你都會咁？）我唔會咁誇張，因為家教好嚴，不過反叛期始終都會曳，試過逃學畀屋企人知道。」雖然毫不忌諱說盡妹妹「壞話」，但其實Jessica與妹妹感情深厚，互相支持。

三棲發展做好成績

家人對Jessica的成長確實有很大影響︰12年在媽媽鼓勵下參選港姐，開始踏足娛樂圈，又做過節目主持；同時是組合少女標本的成員，早前更拍畢首部電影「處女作」《鬼網》。入行短短四年，已涉足歌影視，Jessica直言希望三方面都做出成績︰「我覺得做藝人最好有三綫發展，因為大家對藝人要求多咗，你都想盡量滿足佢哋。本身鍾意唱歌同演戲，今年都想拍多些電影。」

在三棲發展中，Jessica自言唱歌的考驗最大，「唱歌會怯啲，因為自己無學過。一開始公司要我用mic stand𠻹，因為我會手震。同埋唱歌要唱現場，唔似拍戲可以NG。」機會是留給有準備的人，Jessica積極裝備自己，相信假以時日，任何挑戰都「無有怕」！

撰文︰陳子楠

攝影︰Benny

編輯︰黃寶恩

設計︰梁政敏

Wardrobe︰Ig@Sparkonlineshop