陳明恩 預演婚禮好Enjoy

因演出無綫劇集《老表，你好嘢！》而為人熟悉的陳明恩，去年底接受初戀男友Eddy的求婚，成為待嫁新娘。她早前以情侶檔到大澳文物酒店Tai O Lookout餐廳預演證婚儀式，不時大晒恩愛。至於真正的婚禮細節已積極籌備中，但她表明不會大搞，「希望享受和家人、朋友相處的時間。」

陳明恩和未婚夫Eddy的婚禮將於明年2月25日舉行，明恩擁有澳洲和新西蘭血統，被問到婚禮有否特別的儀式或習俗，她笑指：「就係簡單！所以我哋會以cocktail party嘅形式舉行，成件事好chill、好relax。當然我哋都會做啲東方嘅習俗，例如斟茶，不過就唔會有接新娘儀式。」

結婚如「聯合國家庭聚會」

明恩又透露預計婚禮當日會穿着裙褂，但不會經常「轉衫」，「當日會好似一個聯合國聚會，哥哥嘅老婆係日本人，未婚夫會有大陸嘅親戚出席，希望有多啲時間同佢地傾偈，分享結婚嘅喜悅，享受共聚嘅時間。」

另外，明恩和Eddy早前在大澳拍攝了一輯婚紗照，「之前去過，覺得當地保存得好好，唔單止有西方舒服嘅感覺，更加有香港懷舊嘅氣氛，我哋都好滿意今次婚紗相嘅效果。」

中西合璧大澳水鄉婚禮

今次明恩及Eddy的婚禮預演選擇在大澳文物酒店舉行，中西合璧，甚具特色。酒店由舊大澳警署活化而成，被評為二級歷史建築，現在更提供水鄉婚嫁服務，體現大澳傳統習俗又糅合西方結婚儀式。

另外，酒店具有殖民地時期的建築特色，坐擁大嶼山海景，尤其適合喜歡大自然的新人。

撰文：Constance

攝影（部分）：Lego

編輯：黃寶恩

設計：梁政敏