鴻星田園翠玉環

親戚帶小朋友回來度暑假，回多倫多前當作送行，也當作中秋提前做節，到元朗Yoho Mall鴻星海鮮酒家訂座，暑期優惠套餐：「鮑魚、花膠、蟶子王宴」。

便宜到你唔信，如非季節性特價，筆者做檔過癮飲食小生意，漸漸習慣計算魚肉菜數，望着菜牌自動上身將大魚大肉海鮮橫㩒計算機、直打算盤，都打不出條數是如何計出來的？只當鴻星老闆向社會大眾提早賀中秋、送大禮，祝各位花好月圓。

鮑魚、花膠、蟶子王；除花膠非自己那杯茶外，但無所謂，在座大人少年人人吃得開心，尤其是精打細算持家的人，計落自己煮、同樣價錢，無論如何一半餸菜都不可能做得出來，頂多煮出肥媽慳家菜式。不單止，乾淨利索，服務周到，席間有聲音……快快約屋企人到來提早做節。

十多道平靚正菜式，自己至鍾意--《田園翠玉環》！

以肥美大冬瓜切四、五公分厚度，除瓜肉之外刮去外皮後，瓜肉蒸透後仍是翠綠實淨。雜錦素蔬：青瓜、紅蘿蔔、銀杏、冬菇、西芹、青紅甜椒，相信還有嚼勁一流的雞髀菇，除了整顆銀杏、全數切粒以精簡工夫炒過，置冬瓜環內，鋪上薄薄玻璃芡……分量極厚，就算專攻這款誘人菜式，已滿足非常。隔幾天朋友擺壽宴，看過高層Alice郭小姐（並師傅）設計的菜單，即央求加多這味青翠素寶，除自己垂涎，同席諸君吃過定有即時粉絲！

（本欄逢周三至五刊登）