洪金寶 劉德華 論盡電影人情味

香港影壇大哥大洪金寶與劉德華近日馬不停蹄為電影《特工爺爺》四出宣傳，日前兩人在訪問中大談導演與演員的大不同，華仔笑指臉皮薄，不敢仿效大哥大碌人情卡，而演慣動作片的洪金寶竟想拍愛情片。兩位影壇巨星，盡顯風趣幽默一面。

相隔17年再操刀執導動作片的洪金寶，戲中飾演中南海特工。他坦言深受劇本打動才決定接拍，而執導這片則沒甚難度，他說：「構思成個動作戲份先係難度，諗好晒去拍就完全冇難度。」今次碌盡人情卡邀得「七小福」客串，他笑言仲有排碌：「下次畀粒糖佢哋食，唔好齋碌。」

想邀三天王開騷

在新片飾演不懂照顧女兒及家庭的父親，並身兼監製的華仔，在圈中相識滿天下，問他可會開部戲嘗試碌人情卡？他坦言：「我又冇諗喎。其實我好薄皮，又冇對人好好喎，唔同大哥大親手培養好多人。他們在電影圈拼搏過，可以用深交來形容，我就唔敢，反而演唱會請四大天王就夠膽開口；電影圈真係唔夠膽，我一路都攞緊人（電影圈）嘅嘢，唔敢再攞人嘢（碌人情卡）！」

談情說愛唔自在

洪金寶多年來演出的動作片多不勝數，但原來他恨拍愛情片：「攬攬錫錫又有錢收，幾好！」華仔即搶說：「呢啲交畀我啦！」洪金寶憶述初出道時與恬妞拍愛情片，第一日拍攝要擁着對方已渾身不自然，華仔亦透露當年拍罷電視劇《神鵰俠侶》，他主演的電影《停不了的愛》即上映，但媒體標題令他哭笑不得：「大題係『大俠也做愛』，幾犀利呀！其實我哋（同溫碧霞）着住牛仔短褲拍，費事大家感覺到（生理反應）。」

劉德華

Make up：Cheng Yu Lai

Hair：Johnny Ma

Stylist：Olivia Tsang

Wardrobe：Maison Martin Margiela black shirt,

Comme des Garcon black pants（All by I.T）

場地：旺角帝京酒店

撰文：倪小珊

攝影：梁細權

編輯：黃寶恩

設計：梁政敏