明星健康｜35歲「翻版陳法拉」毁容照曝光 意外受重創致眼瘀骨折牙崩急入院做手術

有「翻版陳法拉」之稱的35歲女Rapper譚淇淇（Kiki），近年轉型做KOL。她近日於社交平台透露遭遇意外，並上載多張眼部瘀黑、面部骨折的受傷照片，傷勢頗為嚴重。其驚人傷勢一度惹來外界懷疑她是否遭受家暴，情況令人擔心。

同場加映：

{{hket:ul-video id="12364"}}{{/hket:ul-video}}

譚淇淇意外受傷致眼瘀骨折牙崩

譚淇淇近日在IG限時動態上載多張受傷相，相中可見她左眼嚴重瘀青，下巴亦明顯受傷。她透露傷勢源於落樓梯時意外跌倒，「今朝早眼角開始瘀，同埋發現有隻牙崩咗同埋牙骹移位」。更稱有途人見狀誤會她遭遇家暴：「有個婆婆行埋嚟關心我係咪俾人家暴，我話係自己跣親，佢話俾人打嗰啲都係話跣親。」

取消部份工作需入院做手術

隨後譚淇淇立即前往醫院檢查，結果發現傷勢比預期嚴重：「起初以為縫完針就okay，點知照完X光原來左邊面骨折，下巴裂開咗，牙崩咗，要住院做手術。知道消息之後崩潰喊咗，點解要喺我咁忙嘅二月發生呢件事？」

因應傷勢，譚淇淇亦取消部份工作，並決定前往韓國比賽完後，再返回香港做手術，「求咗好耐醫生佢終於俾我今晚飛濟州島繼續比賽，我思想教育自己一定要加油，雖然返到嚟香港面對嘅係可能成個月都講唔到嘢，但我會盡力調整心態，試吓好好安慰自己。」