安樂死｜76歲陳百祥上無高堂下無仔女冇牽掛 豁達接受安樂死：生命掌握手裏

現年76歲的「叻哥」陳百祥，曾出演《鹿鼎記》、《精裝追女仔》、《唐伯虎點秋香》等多部經典作品，其牙擦、精叻的形象深入民心。他於2022年宣布息影後，近年亦減少為TVB主持大型節目，轉而北上發展，不時在社交平台分享生活點滴與人生感悟。日前他透過短片談及對安樂死的看法，態度開放坦然，更直言：「安樂死係你嘅生命掌握你手裏，只要我今日唔高興，我咪安樂死囉！」

同場加映：

Sick問識答｜高齡備孕狂食生蠔提升生育能力？ 事前準備1關鍵增自然懷孕機率

{{hket:ul-video id="12269"}}{{/hket:ul-video}}

陳百祥日前於社交平台上載片段，分享對生老病死的見解。片中提到近日圈中老前輩相繼離世，無兒無女的他坦言對生死看得十分豁達：「第一我上無高堂，下無子女，我冇咩牽掛。第二，我覺得生老病死係唯一一樣嘢，係你控制唔到。你想病就病呀？你想死就死呀？」他直言，無人能控制出生、衰老及身體的變化，又指自己「好似我呢啲老得嚟，冇老花、冇甩頭髮，你控制到咩？」

陳百祥表示，朋友離世就當作對方「移民」去了遠方，「當有一個人移民咗去巴西，你要飛30幾個鐘先去搵佢，咁你廿年都唔會去搵佢啦！」他認為安樂死讓生命自主權握於手中，「安樂死係你嘅生命掌握喺你手裏，只要我今日唔高興，我咪安樂死囉！」但也笑言自己每日活得積極愉快，「日日贏波贏馬，點死呀？輸吓輸吓先輸死！」

TVB台慶預演曾嚴重受傷

陳百祥和太太黃杏秀於1979年結婚，至今已結婚46周年，閒時與太太享受人生。1982年，陳百祥曾為TVB台慶預演時發生嚴重燒傷意外，事隔41年，身上疤痕仍清晰可見。2023年，他接受內地經理人訪問時重提舊事，並展示傷疤說道：「因為我命太大，7個電油彈圍住我炸，都炸我唔死，就炸咗入40日醫院！啲手皮就冇咗燒晒，嗰陣都燒到塊面，好彩有戴頭盔，但燒到面燒到身，但醫生話要植皮。」其實早在2015年，陳百祥已曾表示死後要在靈堂「開Band」，可見他對生死一向坦然。