蟲出沒注意｜港鐵車廂驚現怪蟲女乘客被咬致腫脹 網民揭「恐怖真身」：立即求醫 【附港鐵回應】

近日一名女網民在社交平台分享，指日前乘搭港鐵屯馬綫時，感到手腕被1隻巨型深色怪蟲叮咬，皮膚迅速腫起，於是向網民求助。她無奈表示「佢依家搞到我勁驚唔知係咪心理作用，我成身都覺得好痕」，直言非常擔心。有網民認出「怪蟲」真身，建議事主立即求醫。

同場加映：

Sick問識答｜7成糖尿病患者同患脂肪肝 醫生解構成因+護肝飲食法

{{hket:ul-video id="12055"}}{{/hket:ul-video}}

床蝨危機｜港鐵女乘客疑被木蝨咬致腫脹

該名港女於9月6日，在FB群組「香港滅蟲關注組」發文，指早上乘搭屯馬綫列車時，感覺到有東西咬她，擔心是否被「木蝨」（又俗稱床蝨）咬。

啱啱坐車俾呢隻嘢咬，佢唔會係木蝨阿可？佢冇成排線咁咬。

從相中可見，事主的右手手腕皮膚被咬至腫起一大塊，紙巾上有被拍死的蟲子屍體，並留有血跡。

事主提到，「自己喺個袋度發現咗，佢爬喺個袋出面，最衰個袋仲要係黑色，其實好難發現」、「佢依家搞到我勁驚唔知係咪心理作用，我成身都覺得好痕」。她坦言十分擔心會將木蝨帶返家中，「依家好驚係咁搵都只係見到一隻，一帶返屋就真係死硬」。

床蝨危機｜網民建議滾水浸衣服及求醫

大部份網民看過照片後都認為是木蝨，驚呼恐怖：「好恐怖，之前我屋企都有，搞咗好耐先消失」、「帶咗返屋企就大災難」、「呢隻嘢千祈千祈千祈唔可以帶返屋企，真係會超級麻煩」、「咁大隻嘅？」、「應該係有乘客家中有床蝨，帶埋佢坐地鐵，地鐵車廂應該好難藏床蝨」。

更有不少網民向事主提供建議，並提醒求醫，「我建議你出街買嗰套新衫着」、「回家用滾水浸下衣服和沖涼先好上床」、「小心你啲衫有…..返到去要用熱水洗衫」、「燒晒啲衫和手袋！」、「快啲去睇醫生」、「好大隻喎，快啲消毒搽藥膏，好毒下」。有網民促樓主向港鐵通報，「要報俾站長」、「快啲報畀MTR，佢哋會去車廂滅蝨！」。

事主回覆網民時說，「我諗都應該係，諗住俾你哋大家Double confirm下，話我知其實只係普通嘅蟲仔，點知真係惡夢」。

事主回想起之前家裡出現木蝨的痛苦經歷：

呢隻已經算細隻，我之前屋企已經爆發過一輪，但係已經係好幾年前嘅事嗰啲真係大隻到手指尾指甲咁，係成晚唔使瞓，佢真係狂咬仲要痕到趴街。搵完佢個竇出嚟之後可能仲有一兩隻走得甩又生多一炸出嚟，係個年年冬天勁凍，跟住佢哋先死晒，冇諗過甩難完之後依家惡夢又返嚟。

床蝨危機｜港鐵回應：會定期在列車進行滅蟲及深層清潔

晴報已就事件向港鐵查詢，獲港鐵回覆表示，致力為乘客提供清潔舒適的乘車環境，除了每晚會清潔列車外，亦會定期在列車進行滅蟲及深層清潔工作。港鐵指，屯馬綫近日沒有收到乘客反映上述提及的事件，然而職員會多加留意。如乘客發現相關情況，可即時通知職員以便作出適切跟進。

同場加映｜外遊防蝨4要訣

床蝨（Bed Bug）抗藥性強且繁衍速度極快，蟲卵可在9至10日再度復活，現時市場上沒有殺蟲劑能將其消滅，只有滅蟲公司以專業藥劑噴灑能滅除它們。人們肉眼難以發現床蝨的卵和幼蟲，成蟲則會匿藏於行李的小縫隙，因此，大家一般不易察覺床蝨，在外遊時分分鐘會把床蝨帶回家。被床蝨叮者會受皮膚嚴重搔癢和睡眠素質受困擾。

綜合專家、前酒店員工和資深空姐分享外遊防蝨 4 要訣如下：

同場加映｜入住酒店須知貼士

美國皮膚科醫生Charles Puza早前於TikTok上載短片，首先針對近年全球多國爆發的床蝨問題，提醒旅客入住酒店房間前，應仔細檢查床單、床墊、床頭板和床架等地方，是否有床蝨蹤跡，也可以檢查距離床5至8米內的家具，看看是否有床蝨留下的「深棕色或黑色乾排泄物斑點」。