東張西望│兩唐狗長期被困3呎木箱傳惡臭 愛協督察了解竟話冇虐待動物？

在文明社會下，仍然出現虐待動物的情況，確是匪夷所思得很。《東張西望》報道一個個案，有愛護狗隻義工發現兩隻唐狗，長時間被困於木箱內生活，而且木箱放置於室外受到日曬雨淋。多番出力要找區議員協助下才能求出兩唐狗，暫居於犬隻訓練學校待領養。

{{hket:inline-image name="7.png"}}{{/hket:inline-image}}

{{hket:inline-image name="9.png"}}{{/hket:inline-image}}

事件始於8月初，有人在元朗白沙村發現兩個人工搭建大木箱，箱內傳出狗吠聲，被發現有兩隻狗原來長期被困在木箱，其中一隻更被困兩年，欠缺適當環境生活。兩隻唐狗分別叫樂樂和娜娜，由附近一間餐廳前員工留下給餐廳負責人照顧，其中樂樂困在木箱內已達兩年，間中晚上由工人帶出來「放風」，至於娜娜被指會咬人，所以困喺木箱幾個月。

{{hket:inline-image name="8.png"}}{{/hket:inline-image}}

{{hket:inline-image name="00.png"}}{{/hket:inline-image}}

浪浪之家創辦人April接受《東張》訪問時表示：「你見木箱有六呎長，但其實分開兩半，每邊有一隻狗，木箱有好細小嘅罅，所以相信入面好熱，唔通風，應該好難受。嗰日係酷熱天氣警告，我哋企喺戶外乜都唔做都流晒汗，更何況咁侷促，咁窄、唔通風嘅地方。而且傳傳出怪味，我哋擔心唔知佢哋（兩唐狗）有乜事發生，立即報警，警方搵愛協（香港愛護動物協會）了解。」

{{hket:inline-image name="88.png"}}{{/hket:inline-image}}

{{hket:inline-image name="000.png"}}{{/hket:inline-image}}

April 無奈地表示，兩小時後，愛協督察到場，對方稱之前曾經到場了解，認為不是虐待動物個案，她感到匪夷所思：「唔構成虐待動物個案，所以唔處理。佢解釋有四點，一：話（兩唐狗居住地方）有瓦遮頭；第二點話佢睇到木箱入面有水；第三點係話有足夠空間；第四點我都係最擔心，佢話覺得兩隻狗幾精神。點解覺得佢哋精神，因為佢哋吠。愛協係唯一一個機構，可以同執法部門合作，調查動物是否受虐待。」

{{hket:inline-image name="444.png"}}{{/hket:inline-image}}

{{hket:inline-image name="111.png"}}{{/hket:inline-image}}

最後議員同警方聯同餐廳負責人，同意讓April將兩隻狗接走，犬隻訓練師和義工協助下，樂樂和娜娜終於可以離開木箱，送到犬隻訓練學校暫時寄養，接受適當訓練，稍後再作出領養。打開木箱內，April發現木箱內環境極度惡劣：「樂樂食物兜發黑，水兜沒有乾淨水。娜娜的木箱連水兜都沒有，木箱底部的縫隙，有好多食物殘渣和骨頭，由於沒有清理，所以傳出腐爛味道。木箱內的木條，有好多抓過及咬過的痕跡，April轉述醫生所講，大牙已經磨平，可能因為恐懼可能想逃走，所以咬崩啲牙齒，呢啲就係痛苦證據。」

{{hket:inline-image name="333.png"}}{{/hket:inline-image}}

事件仍未解決，兩唐狗仍然受困，April再度無奈下找區議員幫手，劉鎮海區議員翌日再到達現場，於是再度報警以及聯絡愛協，不過愛協未有派人到場，劉議員說：「佢哋話之前嚟過現場三次去睇，覺得冇問題，我睇到就好心痛，可惜現時香港保護動物條例非常落後，執法者依法做事，其實佢哋做唔到啲乜。」

附近街坊都覺得這樣飼養動物並不適宜，其中一個男狗主表示：「街訪：咁樣困住好慘，啲狗會抑鬱，呢啲天氣更加，好易中暑。」女街訪稱本身自己並非愛狗，但覺得這樣做不好：「如果將心比己，若係你，你會點？佢哋都係生命，都係動物。」而這些事情並非單一事件，另外有觀眾報料指，深水埗一個生果店，長期把貓放入圍上木板的籠內，有人多次投訴後，店主才把貓籠放入舖內。April和劉議員關注問題，認為殘酷對待動物條例過時，希望有改善。