法證先鋒6倖存者的救贖丨利穎怡扮屍體被笠膠袋抽真空 再半裸瞓鐵床幾粒鐘：好凍又尷尬

《法證先鋒6倖存者的救贖》由於個案甚多，加上劇情要強調法醫Dr. Fan（蔡潔飾）及高級化驗師余星柏（黃宗澤飾）的功力，經常都會出現蔡潔驗屍的場面，當中包括馬貫東、鄧永健、彭迪安（前名：彭懷安）及衛志豪等都先後扮演死屍，供蔡潔細心解剖分析死因。昨晚一集出現不少黑白畫面，事關井Sir（袁偉豪飾）終於破案，搵到彭倩玟（利穎怡飾）的屍體。

同場加映：法證先鋒6│蔡潔受角色影響情緒媽咪來港陪伴 與黃宗澤緋聞有望明年開花結果？

{{hket:ul-video id="11090"}}{{/hket:ul-video}}

{{hket:inline-image name="lee9.jpg"}}{{/hket:inline-image}}

{{hket:inline-image name="lee3.jpg"}}{{/hket:inline-image}}

原來彭倩玟被患有情緒病的趙心嵐（陳熙蕊飾）所殺，事後獲趙心嵐的哥哥趙志勤（謝可逸飾）為她安排將屍體密封在膠袋入面抽真空，再用燒焊技術將屍體的鐵箱封口，連警方幾乎都不為意錯過。屍體發現時正在膠袋入面被抽真空，今次飾演彭倩玟的利穎怡雖然戲份不多，不過全部都吃盡苦頭，事關除了要閉氣入膠袋之外，更要半裸扮屍體瞓在鐵床上，相當不容易。

利穎怡在Facebook都有分享拍攝的花絮照片，見她背脊向天半裸瞓在驗屍床上，不忘跟「法醫」蔡潔合照留念，劇情中，她全程不能郁動，更要讓蔡潔不斷用手按她的胸部等位置，她說：「拍攝最辛苦我個人覺得係瞓鐵板床，真係好凍同埋係尷尬嘅，淨係化特技妝都要用兩至三個鐘，然後鐵板床瞓足幾個鐘頭，不過幕後同事們都好關照同照顧我，睇唔到嘅鐵板床都有鋪毛巾等我冇咁凍，我之前扮過咁多次死屍，今次真係第一次覺得有少少辛苦，所以我覺得係好好嘅體驗，諗起其他扮死屍嘅同事都係咁啦，我冇理由唔得嘅！」

至於被笠膠袋抽真空的一幕，利穎怡說：「還好因為我閉氣能力都ok，幕後都擔心我閉唔到咁耐氣，所以都係拍完大家大頭先再要我閉氣拍wideshot。反而死嗰幕我要瞓喺血漿上面，係有少少唔舒服，因為成條褲都濕晒，而我當日又嚟緊Ｍ。」

利穎怡上月宣布離開TVB，以自由身身分繼續接幕前工作，離開工作12年的娘家，難免不捨，而她臨走前都有拍下不少作品未播出，相信往後都會繼續在TVB見到她的演出。而她除了為HOYTV擔任《一線搜查》主持外，更接拍電影，越來越多機會。

撰文：娛樂組