小花譚杏藍被浪漫求婚曬藍莓巨鑽 與前度恆仔拍拖十年不歡而散

現年34歲嘅小花（譚杏藍）兩年前同男友Ronald高調公開拍拖，不時分享二人嘅甜蜜時光，而Ronald昨日終於忍唔住將小花私有化，喺異地求婚成功，恭喜恭喜！

同場加映： 賈思樂曾陷抑鬱靠朋友救起重生 凍齡喜迎70歲 享受單身幸福 

{{hket:ul-video id="11033"}}{{/hket:ul-video}}

小花日前同一班朋友以及男友，包括同期《亞洲星光大道》嘅班長一齊去到日本旅行，而小花男友Ronald原來策劃咗喺花火大會期間同女友求婚，非常浪漫，小花曬出藍莓咁大粒嘅鑽戒，留言：「Thank you & YES❤️💍🎇餘生還請繼續多多指教。」而佢一班見證佢喺求婚嘅好友相信都為佢哋影咗唔少靚相！

{{hket:inline-image name="2.png"}}{{/hket:inline-image}}

小花兩年前同樂隊ToNick的主唱趙善恆（恆仔）宣布分手，未幾就同Ronald不時於社交平台放閃，又不時表示同男友好夾。今年2月19日恆仔喺二人分手一周年時突然於社交平台貼黑屏照並發文，指自己過去一年受到兩件大事影響，分別是爸爸因血癌離世及與拍拖十年的女友分手，他更謂：「抑鬱咗一年，爭啲想走」，還說怕自己真的會做「傻事」，最後他說自己用了一年時間來調整心情，重新出發，他亦有透露現在已經開始了一段新的戀情，希望大家讓他好好過生活。

唔少網民去到小花社交平台留言怒罵，小花當時亦意帶諷刺發文回應如下：

「十年來我只希望擁有幸福快樂及盼望未來的一段關係，

而一段感情應該是雙向的，
不是一人一手可以控制大局

過去交往的日子，付出從來不問回報。
感謝遇上你讓我成為一個更好的伴侶。
對人對事我問心無愧，心裡的傷口希望可以慢慢癒合。

真心祝福你們
兩位都曾經是我最親近的人，過得幸福快樂。

今天是你演唱會開賣的大日子，祝一切順利。

感謝媽媽、男朋友的陪伴及朋友們的關心。

最後，面對一切流言蜚語真的不容易，
我只想做好自己本分，不想回望，
活好每一天，繼續以建立家庭為目標努力生活。」