法證先鋒VI倖存者的救贖丨馬貫東首演屍體尷尬赤條條見蔡潔 出三集就死 網民嗌好可惜

《法證先鋒VI倖存者的救贖》開播僅僅幾集，有不少角色就被消失或者被離世，昨晚一集喬Sir（馬貫東飾）追賊期間被刀割傷後離世，同袍、太太吳書婷（傅嘉莉飾）及兒子都相當難過，不過經法醫Dr.Fan（蔡潔飾）解剖後，發現真實死因，令一眾親人更加難過自責。原來今次是馬貫東首次演屍體，他直言又尷尬又高難度。

同場加映：賈思樂曾陷抑鬱靠朋友救起重生 凍齡喜迎70歲 享受單身幸福

{{hket:ul-video id="11033"}}{{/hket:ul-video}}

{{hket:inline-image name="yu.jpg"}}{{/hket:inline-image}}

{{hket:inline-image name="ui.jpg"}}{{/hket:inline-image}}

跟喬Sir一場相識，Dr. Fan親自解剖他的屍體都非常難過，不過完成檢查後發現喬Sir並不是中刀失血過多致死，而是因心臟病病發而離世。吳書婷知悉後更是自責，認為自己未有好好關心和照顧丈夫，導致悲劇，傅嘉莉的喊戲都獲得不少觀眾大讚。不過自從喬Sir死後，不少粉絲都認為「死得太早」，「咁快冇咗...可唔可以返生？」、「點解咁快死左㗎？」、「喬sir 咁快就死，好可惜。」、「接受不了喬咁快死，戲份太少」、「就得幾集，想多睇你幾眼都唔得？」

{{hket:inline-image name="TUNG1.jpg"}}{{/hket:inline-image}}

{{hket:inline-image name="TUNG2.jpg"}}{{/hket:inline-image}}

法證先鋒VI倖存者的救贖丨蔡思貝疑不受內地歡迎慘變串星 與王敏奕待遇大不同 坦承冇劇在手【下一頁】

馬貫東今次在頭兩集都是好好先生，愛錫太太和囝囝，一家三口非常溫馨，馬貫東接受本網電話訪問時表示：「個囝囝真係好得意，好聰明好叻，第一次見面唔係好熟嘅時候佢好靜，一熟絡咗就玩到唔停。可惜㗎，希望下次有機會再同佢合作，公司有其他導演問過我個小朋友乖唔乖，我都有讚佢，下次要小朋友拍劇可以諗吓佢！」

法證先鋒VI倖存者的救贖丨王敏奕著貼身婚紗「穿崩」驚現孕味 黃宗澤千里尋妻 網民：劇透定肥咗？【下一頁】

可惜出現三集就要「領飯盒」，觀眾們都大嘆可惜，昨晚第三集要扮死屍讓蔡潔解剖，見阿東在驗屍床上動也不動，相當專業，他透露原來今次首次在劇集中扮演死屍，「扮死屍係最難演嘅，要死得似真係一啲都唔容易，要控制住唔可以呼吸，但係缺氧到某一個程度，身體嘅肌肉就會不自主咁跳動，條眉會慢慢皺埋，所以我會問定個導演，呢個shot要幾多秒，等我盡量知道要死幾多秒。（訓練班剛出身有冇演過死屍？）扮死就試過，扮死屍就真係冇，扮死屍係另外一個層次，新鮮死啲肌肉都仲係腍啤啤，同埋個死狀可以舒服啲就返自己，驗屍枱上邊嘅死就真係要lock住成個人，少少都唔可以郁，死得好唔自在，最驚都係唔覺意瞓着咗。（要幾乎全裸面對蔡潔有冇尷尬？）坦白講，本身同蔡潔冇乜合作唔太熟悉，點知一嚟就要赤條條咁合作，真係尷尬得非常。」
 

撰文：娛樂組