巴黎奧運丨簡慕華飛巴黎睇奧運賽事勁興奮 Sweet爆與中學同學老公放閃

現年47歲的簡慕華近年轉戰ViuTV劇集《大叔的愛》、《940920》及《百萬同居計劃》等，再次成功「入屋」大受歡迎。簡慕華近日在社交平台頻頻分享生活日常，最近更趁四年一度的奧運盛事，特別飛到巴黎旅行兼湊熱鬧，與老公仔一齊欣賞不同賽事之餘，又四圍遊覽盡情放閃，Sweet到爆！

同場加映：童星莊錠欣卸韓團光環獨立發展 愛與主播家姐鬥嘴：高又點啫？

{{hket:ul-video id="11005"}}{{/hket:ul-video}}

{{hket:inline-image name="werr.jpg"}}{{/hket:inline-image}}

{{hket:inline-image name="wss.jpg"}}{{/hket:inline-image}}

簡慕華連日來都分享到她在巴黎所拍下的靚相，心情大靚的她戴上太陽眼鏡四圍遊覽，跟巴黎鐵塔、日落的凱旋門等拍照留念，靚景再加上淡掃蛾眉的她，配上燦爛笑容，展現她保養得宜的靚爆皮膚，實在令人羨慕。正值奧運舉行，簡慕華都有買飛入場睇比賽，見她有睇公路單車賽，在賽道旁邊為單車手打氣，亦有走入羽毛球單打的決賽球場，見證南韓的安洗瑩打贏中國隊何冰嬌，成功登上頒獎台的最高位置，而簡慕華都有睇埋頒獎禮感動一刻才離開，大讚好睇「Good Game」。不少好友包括周家怡等都留言表達羨慕之情，更有人搞笑追問簡慕華有冇遇上當地最可怕的老鼠，但簡慕華就答：「未！」認真搞笑！

簡慕華此行原來同老公同行，難怪有不少靚相直出。簡慕華入行多年來，與監製戚其義的緋聞傳足多年，直到一次中學同學聚會，重遇現任老公，二人撻著低調拍拖多年，到2017年拉埋天窗，二人當時無生育計畫，剛巧又與TVB完約，因此淡出幕前隨老公移居加拿大生活，直至近年老公支持下復出拍劇，更養狗仔視為己出。

撰文：娛樂組