童星莊錠欣卸韓團光環獨立發展 愛與主播家姐鬥嘴：高又點啫？

觀眾眼中曾是電視劇中的童星小妹妹，也是大受歡迎的韓國女團少女成員，如今眼前的是懂得為自己事業籌算的全能藝人莊錠欣。先後在韓國、內地、台灣等地發展，她卻不忘推出廣東歌回饋「家人」。離開女團的光環，莊錠欣表示從不會後悔自己的決定，只因相信自己對夢想的堅持，不想一直留在舒適圈。

{{hket:ul-video id="11005"}}{{/hket:ul-video}}

{{hket:inline-image name="DSC07341.jpg"}}{{/hket:inline-image}}

{{hket:inline-image name="DSC07343.jpg"}}{{/hket:inline-image}}

{{hket:inline-image name="DSC07296.jpg"}}{{/hket:inline-image}}

莊錠欣近年由韓國女團CLC轉成獨立發展，近日推出新專輯，竟然收錄一首廣東歌《沒你在旁的後來》，她坦言入行以來都有不少粉絲催促她推出母語的歌曲，在一次小學同學聚會中傾開，沒想到一位舊同學主動自薦為她寫詞，隨即她創作歌曲Demo，就促成此事，她形容：「公司好驚訝點解我哋仲有聯絡，由小學Friend到而家，多得公司認同我想法，而家呢首歌成為我哋友情嘅紀念品。」

莊錠欣坦言以往韓國公司為她安排好一切，她只是跟著走，如今獨立發展，所有音樂策劃都要重新學習和了解，要卸下韓國女團光環，絕對要鼓起不少的勇氣，「光環當然係好，但女團始終都總會有一日完結，呢啲過程全部都係我應該學習嘅事，我同團員們關係都保持得好好，唔係暫時唔一齊就以後都唔見，我哋都仍然會聯絡，大家互相支持大家嘅發展，一關一關咁過好，（唔怕之後會後悔？）我從來都唔會為自己決定而後悔，哪怕有人會笑我行錯，但未行到最後點知結果係點呢？我認為所有嘢都係慢慢累積嘅基礎，努力堅持自己嘅夢想，而唔係留喺舒適圈。」眼前的莊錠欣很清楚自己的事業發展方向，但她卻為一件事相當懊惱，「有啲朋友話由小睇到我大，又有啲由CLC開始認識我，咁假設我真係有機會開個人演唱會的話，係應該計自己出道16、17年嗎？好奇怪喎！」

{{hket:inline-image name="OP.jpeg"}}{{/hket:inline-image}}

{{hket:inline-image name="PO.jpeg"}}{{/hket:inline-image}}

{{hket:inline-image name="UI.jpeg"}}{{/hket:inline-image}}

{{hket:inline-image name="HV.jpeg"}}{{/hket:inline-image}}

憶起昔日童星年代，莊錠欣笑言一直喜歡跟人交流，所以就算入電視城開工拍劇，都不想家人跟著，從小喜歡獨的她每次放學後，就走入電視城開工，跟演員哥哥姐姐聊天最開心。「屋企人跟住，班哥哥姐姐就唔敢同我傾偈，所以我話我自己搞得掂，我自己坐飯堂一邊食一邊做功課，好多人都走埋嚟同我打招呼。(家人支持？）從來都唔係家人希望我入行，一直以來我都好鍾意做幕前，所以屋企人先支持我去做。」入行十幾年時間，經歷大大小小的改變，反而家姐莊易玲卻近年才決定入行，做過TVB娛樂新聞台主持，近來正式全身投入演員的工作，莊錠欣說：「家姐姐姐做娛樂主播外，仲有拍劇，未來都有幾個劇集會播出，我有叫佢加油，始終入行比較遲，所以有啲擔心
，我鼓勵佢睇多啲戲劇，咁演戲先可以豐富啲！（怕比較？）我哋兩姊妹都抱住同一個心態，就係大家係唔同類型，各有各特色。」問到會否希望兩姊妹合作，調皮的莊錠欣就藏不住她的鬼馬，「有一齊受訪過，但如果佢嚟訪問我，我驚佢會借啲易公報私仇挖苦我，佢成日寸我，話我咁嘅身高係咪睇到佢！成日都笑我，高又點啫？」

現年25歲的莊錠欣笑言希望戲劇上可以「突破」，她本身有份拍攝一套TVB劇集，後來因檔期無奈退卻，她自爆過往拍韓劇時因為怕醜，不太習慣跟異性之間的肢體接觸，導致有不少搞笑NG出現，希望將來不再局限於演小妹妹或者主角的童年，可以挑戰一下自己體驗不同的角色。

髮型：Jayxhair @ HoLA
服裝：usagionline_hk
場地：THE AIR（THE ONE）

採訪：楊安莉
攝影：何家賢