盧峻峯遇信用卡積分騙案慘失15萬 銀行拒賠灰爆：自問係非常小心窮X

前TVB男藝人盧峻峯去年拍攝完《新聞女王》後，正式離巢TVB以自由身發展，除了改行從事服務業外，偶然都會接司儀的工作，他年初坦言生活絕不容易。昨日，盧峻峯在IG自爆誤墮短訊騙局，信用卡慘被盜用15萬港幣，損失慘重，特別分享這次的經歷，希望大家可以多更注意小心及提高警剔！

同場加映：反黑英雄丨袁偉豪認大叔拍劇辛苦摧殘狀態 感激囝囝來臨心情開懷：豁然好多

{{hket:ul-video id="10953"}}{{/hket:ul-video}}

盧峻峯離巢TVB即收ViuTV開劇信？ 11年苦無發展 拍劇受傷手術後未癒【下一頁】

{{hket:inline-image name="TR.jpg"}}{{/hket:inline-image}}

盧峻峯分享一張報案紀錄的照片，並以長文交代自己所遇到的騙案詳情，「上星期，我的DXX信用卡被盜用了。兩筆海外簽帳約十五萬港幣。現已報警。事緣我收到個短訊，稱積分就快過期，登記資料途中需要驗證碼，然後就收到個pop up 出只有數字，沒有資訊的驗證碼。 輸入後顯示登錄失敗，系統就自動再send 一組驗證碼過來，如是者我就再按多次。我懷疑是不是DXX信用卡不支援，嘗試換AE卡再試，當我輸入卡資料後，這次沒有pop up ,而是收到AE 的SMS短訊，上面顯示的是一筆奇怪的銀碼，需要我確認是否要過數，我感到可疑就立刻停止操作。大概5分鐘後，我便收到DXX保安部致電，問我剛才是否簽帳了兩筆外海簽帳，我當然答沒有。但銀行說剛才你已經成功過咗數，是透過我們發的SMS驗證碼所批准的。最吊詭的地方是，我立刻查看SMS 紀錄，剛才嗰啲SMS紀錄，好似變魔術咁，離奇地自動消失咗！」

盧峻峯表示當下立即要求DXX停卡及終止剛才交易，可惜不得要領，兩單交易已經完成，「質問銀行點解過咗數先通知我？面額唔係細，講緊有10幾萬，過去我從來都冇境外簽帳紀錄，亦冇大額交易紀錄（本人係一個窮L），點解冇一個門檻動作去核實下先，等過咗數先至嚟通知我？銀行方則稱無能為力，因為已經過咗數，佢哋都係過咗數先知，叫我自行同聯絡商戶要求停止同建議我去報警。我，無語了。於是我漏夜去就近警處報案，但警方表示係境外簽賬，無法追尋，只能落口供做個紀錄，要自行同銀行交涉。我再次無語。同銀行幾番交涉，銀行都冇正面回應過我關於保安漏洞同風險管理嘅問題，只是淡淡然咁叫我等4-6星期由佢哋決定呢兩筆簽帳點處理。」

《踩過界II》同白彪對戲│軒仔痛悔自首卻遇車禍身亡 盧峻峯為演悲情宅男狂減十幾磅【下一頁】

{{hket:inline-image name="UY.jpg"}}{{/hket:inline-image}}

他事後問大家意見，作為小市民，「是否只能夠被動接受銀行嘅處理？」、「請問有冇法律、行業相關人士可以俾到一啲建議我，可以點樣維護自己嘅權益？」他表示事後上網尋找相關的新聞，發現同類案件在同一家銀行都屢有發生，結果都是要求客戶全數承擔款項，他說：「我自問都係一個非常之小心嘅窮X，十幾萬對我來講唔係一個小數目，真心，希望大家一定一定要提高警惕，資料一旦被盜，後果就會好似我咁。」

{{hket:inline-image name="IU.jpg"}}{{/hket:inline-image}}

撰文：娛樂組